دفي دوف في سفينة الحرية

بما أن اغلب المواضيع يبدأها الكاتب ( في صباح أحدى الأيام ) فحبيت اغير وأقول في حدى القوايل من أيام خلت وولت وبعد الغداء تحديداً وصتني أمي أن أخذ احتياطاتي و اشتري الزبادي للعشاء لأن آخر قوطي زبادي هو الي اكلناه بالغدا وجلست احسب حساب المصروف ومن وين اشتريه توكلت على الله وشغلت تكسي جدي ورحت ابحث عن الرزق أتجهت صوب المطار واتصلت على ( ك.م صابر ) وهو صديقي في المهنة وقلت له يحجز لي ثنين راكب مع واحد شنطة زيادة ملابس! قفلت الجوال ووصلت للمطار لكن للأسف مافيه ركاب جلست انتظر وأنتظر ولاحولك احد مافيه غير شخص ملامحة حزينة وجالس في آخر المطار وشكله شكل الي متردديركب تكسي ولالا !!يعني قردنه خفيفه يوافق! اتجهت له وسألته اذا كان يبي تكسي واكتشفت أن هالشخص( مصري الجنسية ) والخطوط ضحكوا عليه بدال لايودونه مصر نزلوه في السعودية تركته وفي حين أنا معطيه ظهري أسمع صوت دقة حزينه في كل أرجاء المطار وأشوف واحد من موظفين المطار يركض متجه صوب انوار الأضائه ويطمر على لوحة تحكم الأنوار وطفاها وخبى جسمه ورى الطاولات وراسه الي طالع ويناظر فيني!! وتظلم الدنيا بوجهي ويرفع مدير المطار! صوت الدقة الحزينة والعالم من حولي يناظروني ويقولون بصوت واطي (وااافق وااافق وااافق ...) ألتفت ورى ولقيت المصري مدنق راسه ورجعت له أمشي ببطء وبعدين أسرع بعدين أسرع بعدها ركض سريع وأخم شنطته على صدري ويقومون يولعون الأنوار والجماهير تصفق وتحييني ويتغير صوت الدقه بدال حزينه لرومنسية والمخرج يخلي الكاميرا تدور حواليني انا والشنطه وتبدا اتناثر قلوب حب وأزهار نرجس وفرجس وكرفس وأتجهنا بعد الحفلة الي صارت فالمطار للتكسي وأتشاور أنا وياه على السعر ومابين مكاسر وأنا أحاول اني اسرقه وهو كذلك اتفقنا على سعر كويس بس بشرط أني اوديه لين ديرته الي هي كفر العمدة قلت له بصووت عالي تم!! ( مشكلة الي مافي جيبه شي ينحد على اقصاه ويوافق بسرعه )طلعنا على خط الرياض ومن الرياض للقصيم وحايل ومنها لتبوك ووينك ياميناء الوجه وأحجز له سفينه تودينا لمصر وقالوا اليومين هذي مافيه سفن أبد لان ملوحة المياه أعلى بينتظرون لين تنزل قلت لهم مازحاً شرايكم أذوب اصبعي في البحر مادريت إلا سمك قرش طلع من البحر وعض مؤخرتي عضه بنت كلب ورجع يعوم في البحر من جديد وأرفع سروالي كأن ماجاني شي أبد قلت للمصري مالنا الا ننتظر جلسنا على الشاطي وفي آخر الليل مرت من عندنا سفينه وأشرنالها وصفطو عندنا قلت للسواق وين يابوو؟ قال بنروح لغزة ! وبصراحة ماعرفت وين غزة قلت غزة قريبه من مصر؟ قال ايه مابينهم غير معبر رفح ! قلت حلو ناديت المصري وركبنا على السفينه الي فيها جنسيات العالم كلهم هنود وبنقالية واتراك وأشكال حمر وصفر وأنا الوحيد الي لوني أشهب بينهم كانت الساعه 2 بالليل وانا تعبان من الخط دخلت غرفة وحطيت راسي والنومه هي النومه مادريت الا وانا واعي بنفس الوقت أناظر ساعتي القاها 2:2 العن ام الغبنه شبعان نوم وراقد طول هالرقده وآخر شي مدت نومي دقيقتين قلت في خاطري هذي نومة البحر تشبعك مايحتاج طلعت لقبة السفينه وجلست اتمغط حول ساعتين وأصيح بأعلى صوتي يابصطاويسي ههههههههه اقصد المصري الي معي لأن ماعرف اسمه لكن اكيد حدى جدانه أسمه بصطاويسي والمشكلة انه مارد علي قلت خلني انزل ادوره داخل السفينه نزلت وأنا امشي أحس ان أرضية السفينه فيها شي غلط وماهي مستويه كملت طريقي وأناظر على جدران السفينه وألقى اللوحات الزيتيه مرسومه بشكل غلط تحس الرسمه حلوه لكن مخربها الفنان الي رسمها ان اخر شي يجلس يكب عليها صبغ أحمر وأقول في خاطري لحجي ومخيس والشرهه على الي سماه فنااان أصلن !! المهم اني جلست ادور المصري في كل الغرف ومالقيته وأستغربت أن السفينه ماحولك أحد لاناس ولازحمة ولاجنسيات مختلفه وأنا الوحيد الي لونه أشهب <--- متعقد من لونه فجئة وأسمع صوت واحد يشاهق وأجلس اتبع الصوت واتبع الصوت لين وصلت لغرفة مطرف بابها دفيت الباب بصابع رجلي وأنا معطي الباب ظهري ومستعد للنحشه لاني قامط ! إلا لقيت واحد مصوب بطلق ناري وجالس ينزف وأقرب منه ويقوم يخمني ويقول اليهود عيال كلب اليهود عيال كلب !! وماااات !حطيت ايدي على عيونه وترحمت عليه واقول في خاطري هذي نهاية السكران اذا تابع قناة العربية المهم انه مات والله يسكنه الجنه طلعت من الغرفه وانا مدنق راسي وأحاول اني استغفر ربي على الأيام الي شربت فيها خمر فجئة وأنا مدنق راسي وأشوف الجثث من يمين ويسار وبينهم خطوات رجلي وانا ادعس عليها يوم كنت اتبع صوت الي يشاهق أنفضخ قلبي وشوف بصطاويسي ميت ومن بين عيونه دعسة رجلي وتجيني حالة هستيريه واقوم أركض جهة قبة السفينه واناظر ولقى السفينه واقفه على شاطي وفيه مبنى بعيد عليه علم أسرائيل !!! هنا انا اصبت بدوخة زي دوخة الحوامل وأجلس اطرش حول نص ساعه وأنزل من السفينه واطيح ويصفق وجهي على التراب أبي اعرف أنا وين ومن الي ذبح بصطاويسي فجئة جا واحد أجنبي يمسكني بيدي ويقومني وينظف معي التراب من جسمي وراح وخلاني وهو رايح يبتسم لي ويقول ولكم أن أزراييل ... حطيت يدي على مخباتي وطلعت جوالي ابي اتصل على اي شخص ولقيت فيه رسايل بالبريد الوارد فتحت عليها اول رساله من قروب المساطيل يشكروني على تجديد الأشتراك فتحت على الثانيه ولقيت خبر من قروب الحارة إن أسرائيل أعتقلت سفينة الحرية الي كانوا ركابها متجهين لغزة !! تونانييت <- صوت بطارية الجوال بيطفي و الوضع في غزة أشبه بالدمار الشامل الجنود الأسرائيلين يدورونعلى اي شخص نجى من السفينة وأنا أقلب راسي مادري وين أولي الساعه كانت 30 :2 والكهرباء على غزةطافية من ثلاث أيام لو ماهي طافية كان شافوا صماخي وأنا منحاش لكن الحمدلله أنها ظلمة ومغطي راسي بجريدةمشيت على الطريق السريع الي يودي لتل أبيب أذا جاء النهار حفرت حفرة وغطيت جسمي كله وطلعت راسي واذا جاء الليل طلعت من الحفرة وكملت المسير بعد ثلاث أيام وأنا امشي داخل أسرائيل وصلت لمدينة رام اللهالمحتلة دخلت المدينة وأزبن في محل باروكات شريت زلوف وطاقية كاوبوي طلعت من المحل وأنا لابس الزلوف والطاقيةوكل من يناظر فيني يبتسم لي أخذت تاكسي وقلت له لاتوقف إلا عند السفارة السعودية ناظر فيني راعي التاكسيوشكلة شكل الي يقول وين أنت ضايع يابو زلف ؟! دريت أني جبت العيد قلت له وأنا اسوي امزح لا لا العربذولي يبي من يفجرهم هههههههه قال وين تبي طيب !! قلت له ودني سفارة أسرائيل يعني بكحلها رد على وهومعصب قال ياخاعام أنت زاحف وأنا راعي تكسي أدور رزقي أخلص على وخل عنك الهستره قلت أسمعانا أبي شقق مفروشة لأني دايخ وأبي أرقد دق موتره سلف وصفط في فندق هولتن تل أبيب نزلت من السيارةورحت أحجز لي غرفة طلب مني الأستقبال هويتي وتجيني النفاضه تمشي مليون قلت له يووه نسيتها في السيارةبروح اجيبها ولايردني غير الشارع وقفت في نص الشارع ولا أدري وين أنا رايح ناظرت يمين ولقيت محلكازينو وقلت في خاطري ياولد أمر الله من سعه رح أخذ لك كاسين على السريع وصحصح مزاجك دخلتوطلبت جركل شراب أبي أفقد ويسجنوني ماعندي مشكلة وفي حين أنا في نص الفقدة لقيت ناس مجتمعينعلى طاولة وكل شوي يفوز واحد منهم ياخذ فلوسه ويطلع قربت من الطاولة ومدت لي القرسونة كورتين مربعتينقالت يالله جرب حظك وأنا زي الأبله مادري وش السالفه حذفت الكورتين على الطاولة وبالصورة البطيئةمسكت الكورتين في يدي وأرفع يدي لين تساوت مع الثريه ونزلت بشويش لين مريت من وجيه الي كانوا يناظرون واحد مسكر عينه مايبي يشوف ووحده حاضنه حبيبها وكأنها تهمس بأذنه ( اذا فاز علمني ) وتنزل يدي لين بسطتها ورميت الكورتين على الطاولة وصارت تدور ببطء على الطاولة بعدها وقفت الكورتين !!!وصاااااحوو الي حولي كلهم ويقومون يخموني ويرفعوني فوق وأروح أنا أستلم شنطة مليانه قرووش بلاستك وتجي وحدة معاي توديني لتبديل القروش وأخذت الشنطه من عندي وعطتني شنطة ثانيه أثقل منها !! أخذتها وطلعت برا الشارع وفتحتها ولقيت فلووس تدفن فقر أبوي وجدي ... سكرتها بسرعه ورجعت للفندق عطيت حق الأستقبال بخشيش وقلت له ترقدني ولالا؟؟ قال خذ ذا مفتاح شقتيفي وسط البلد أرقد لين تقول آمين وأنا وياك الحين أصدقاء صح ؟ وأقول في خاطري تعقب يابن الكلبقبل شوي ماعطيتني غرفة ويوم شفت الفلوس عطيتني شقتك ! قلت له ايه صح أصلن أنا أبوك <-- النيه وصخة رحت لشقتة وأنبطحت على السرير وأنا ميت من التعب وحاضن شنطت الفلوس ورابطها برجلينمت وأسمع صوت انفجار بالشقه الي جنبي وبنفس الوقت رمي رصاص ويجي واحد قريب منيويقول لخويه الي معاه (كل هيم كل هيم) وأطمر جهت الباب أدور النحشه ويوم فتحت عيوني طلع الصوتذا كله من التلفزيون طفيته ورجعت أنام مره ثانية وأنا نايم سمعت صوت واحد فتح الباب وخطوات رجلهقربت مني!! طلّعت رجلي من تحت الفراش جهت التلفزيون مصعت السلك من الفيش ودخلّت رجلي مره ثانيةونمت على بطني مادريت الا الي جاء من وراي وحسيت بدفء وحنان وأنا ساكت وأسوي نفسي ميت( مشاهد محذوفة ) جاء الصباح وأقوم أتمغط والتفت جنبي لقيت بنت نايمة عندي تركتها وهي نايمة واخذتشنطتي وأتجهة صوب الباب فتحتة لقيت راعي الفندق قدامي قال هااي كيف نومة البارح ؟ قلت هااه زينة بتعئد!!ويروح يفتح التلفزيون ورحت انا للسرير غطيت البنت بالفراش وجلست فوقها قال سمعت قصة سفينة الحريةقلت ايه سمعتها قال ياشيخ ذولي ناس فاضين وجلس يسولف وأنا فيني الراعة خفت يدري وش الفضيحة الي سويتها البارح قال تدري لما أسرائيل تفرض حصار على غزة تقوم الدنيا وتقعد قلت له ماهو بس غزة لو تدريأنت وش سويت انا البارح بتقوم الدنيا ولا راح تقعد قال يعني كيف ؟؟ قلت له هاااه لا بس انا البارح ربحتفي الكازينو وقال مبرووك قلت الله يبارك فيك وسكت أنا وسكت هو وتكلمت بنت الكلب الي تحتي قالوش هالصوت قلت له مافي شي بس أنا البارح تعشيت روبيان وبطني صار يطّلع أصوات قال أها خليني أنزل أجيب لك بيرة وأجي قلت ايه رح !! طلع وجلست أصحي الي نايمة ماخذيت الا وهو راجع يبي يسألني وش نتغدى اليوم طالع فيني وأنا جالس على السرير وناظر تحت شافني وانا جالس ورجل طالعه من النصقال من رجله ذي قلت له أنا معوق عندي ثلاث رجول <--- ماعاد يمدي ترقيع طلعت البنت ذي حبيبته وقام بكس بيني وبينه وبفضل من الله صفقته وربطته هو وياها على السرير قالبعد ماخليتك ترقد بشقتي تخونني مع حبيبتي وتغدر بي قلت يارجال انت يهودي واذا ماغدرت فيك بتغدر فينييوم من الأيام قال ماعليه بيجي اليوم الي انتقم منك يا .... وعطيته كف قبل مايكمل كلامة ..! طلعت من الشقةونزلت بالشارع ورحت صوب الضفة الغربية أمهد علشان أرجع للسعودية .وصلت لحدود أسرائيل مع الضفة الغربيةلقيت الجدار العازل الي أسمعه بنشرة الأخبار جلست ادور لي باب أطلع من عنده ولا لقيت شوي وتجينيدورية أسرائلية طلعّت قلم من مخباتي وجلست أرسم على الجدار نزل عسكري قال وش تسوي هناقلت أبد جالس أفجر مواهبي قال اهاا طيب لاعاد تفجر مواهبك الله يحيك هنا رح فجرها في بيتكم قلت له طيبوأنا رايح ناداني وطلب مني الهوية قلت له انا قاصر أبوي ماطلع لي بطاقة أحوال ناظر فيني ودرى اني كذوبركبني الجيب وراح للشرطة حققوا معاي وعرفوا أني سعودي وجابوا صورة جوازي الي لقوها في السفينهوعرفوا اني كنت مع سفينة الحرية أرسلوني للأستخبارات وجلسو يعذبوني ثلاث ايام وماعترفت بشي وقلت لهم أني كنت رايح مصر وماكنت أبي غزة !! مالقوا علي درب وماعترفت لهم بأي شي ثانيومافاد التعذيب حكموا علي بالسجن شهرين مع الأعمال الشاقة أرسلوني للسجن ومر على سجني أربع أياموأنا بالسجن جابوا مجرم محكوم عليه قصاص وحطوه بنفس الزنزانة الي أنا فيها جلس معي قلت له وش قضيتكقال فاتح مطعم وطفرت مامعي فلوس أشتري لحم قلت له طيب !! قال الزبائن كانوا واجد ومابي أخسرذبحت أبوي لهم وقطعته أوصال وشيش طاووق !! قال وأنت وش قضيتك ؟ قلت له تهريب مخدرات + ذابح رئيسالعصابة + مهجد عيال المدرسة (( فيس مطلع عضلاته وقامط بنفس الوقت )) قال حلو وش أسمك قلت له القاتل المأجور <---- أسم فلم مو أدمي حس بعدها أني قوي وصرنا أصدقاء اليوم الثاني صحيت ولقيت خوييالقوي يلعب حديد في الساحة جبت سجاده ومعاي معجون أسنان وأنبطحت عنده وجلست ادهن جسمي بالمعجونوأتشمس قال وش تسوي قلت له زهقت من لون بشرتي وجالس أتشمس قال طيب أنا في بالي موضوع بكلمك فيهقلت له وشو ؟ قال انا البارح أفكر فيك قبل أنام وحسيت أنك بتساعدني تكفى قل تم ؟! قلت له تم بس بوشو أساعدكقال أنا من زمان أدور قاتل مأجور علشان يذبح شريكي في المطعم دايم يهددني بالديون وكل يوم يطلع السكين ويحدهاقدامي يعني تراني بذبحك إن ماجبت دراهمي وأنا ماني قامط منه بس العالم لو يموت هالشخص بيدرون أني ذابحةوأنت واحد غريب محد راح يشك فيك أبي اذا طلعت من السجن تذبحة وأنا الحين بيعدموني وأن مت بتصير الديون كلها على ظهر بنتي الوحيدة الي مالي غيرها وإن ذبحته أعطيك كل ما أملك وأزوجك بنتي وش قلت ؟قلت موافق بس أنا باقي على حكمي ! قال أنا أطلعك .. قلت كيف ؟! مسك عصا طايحة وصفقني على وجهيماوعيت إلا وأنا بالمستشفى ناظرت يمين ويسار لقيت لقيت مغذي محطوط في يدي مصعته وطلعت برا الغرفة لقيت عسكري واقف برا مريت من عنده وقال وين رايح قلت له ياخي مستشفى مافيه حمام مثل الناس قال وش السالفه قلت بروح أشوف الحمام الي هناك حمام غرفتي منفجر مرحاضة قال رح وتعال بسرعة قلت وين أروح يعني بنحاش طيب بجيمشيت لين وصلت الدرج وحط رجلك يابودوف للشارع حطيت يدي على مخباتي ولقيت ورقة مكتوب فيهاعنوان الشخص الي بذبحة مشيت لين وصلت للعنوان ناظرت في رقم الشقة لقيتها نفس رقم شقة راعي الأستقبالبالفندق دخلت الشقة وطمرت طمرت الأسد المفترس عليه وهو يناظر بالتلفزيون الي مصعته برجلي وانا نايم ذاك اليوم خنقته لين مات فجئة فتح الباب ودخلت حبيبته ومعاها أغراض جايبتها من البقالة طيحت الكيس وسكرت البابوجتني تركض وتضمني وأنا ادفها قالت ذبحته ؟! قلت لا جالس أدغدغة ايه ذبحته وبذبحك انتي وراه قالتأنا اصلن ابي أحد يذبحة ذا مهدد أبوي ومهددني انا ولاعب في حياتنا قلت ليه وش دخلك انتي وأبوكقالت هو شريك أبوي في مطعم ويطلب أبوي دراهم قلت أبوك المجرم الي بالسجن قالت ايه انت تعرفة ؟ قلت هو أستأجرني علشان أذبحة ووعدني أخذك زوجة لي قالت أنا من الآن لك يانظر عيني هههههههههههه .أبشركم اني تزوجت البنت وصار عندي نفوذ في أسرائيل وتاجر وأملك نص عماير تل أبيب جهة الكورنيشوالرجل المهم في الدولة وكل هالفلوس والتجارة من الكازينو وترشحت للمجلس البلدي وفزت بأكثر عددمن الاصوات وكلهم مايعرفوني بس بخششتهم وصوتوا لي والحين عضو في المجلس اليهودي وكل يوم أطلع بالتلفزيونوأوجة كلام لرئيس الوزراء التركي أوردغان وأطالبة بأرسال سفن لأسرائيل وأهم شي تمر على ميناء الوجه فيتبوك يمكن على الله يركب سعودي عاطل عن العمل ويرزقة الله في أسرائيل ويمسك منصب حكومي مثلي .