رواية الرواية..!

أحمد الي هو انا بطل هذه الرواية الشهيرة الي وصفها شاه باكستان في عهد ماقبل الأنقلاب العسكري في 1835 أنها رواية فاخرة لو تبيعها في سوق الزل
تجيب لك ثلاث قطع نسيج أيراني عليه القيمة ووصفها أيضاً القائد الثوري طالب عبدالكلام ضربنجاني.. بإنها قطعة من السماء تشبه البلوط بحجم الكف
لكنها ذات قيمة عالية وقد أخذها تاجر هندي لسوق الفضة في ذاك الحين وجلسوا يسومونها تجار الهند وبنغلادش وعجزوا يعطونها قيمة فعلية الين سمع
في بيعها أحمدي نجاد يوم كان صغير وسرقها من سوق الفضة وجلس يلمّع الرواية و أصبحت مدخل رزق عليه بحيث أنه يعرضها في السوق والي يبي
يقراها يدفع 20 روبيه ايرانية وحرص أن محد يسرقها وربط أوراقها بشيلة أمه الين ماصار رئيس لأيران وماعاد يحتاج لها .. وقام الأخير ببيعها على سلطان
بروناي الي كان بوقتها سواق عند عائلة سعودية يحتذي زبيريات عمه وتيشيرت نادي النصر سارقة من دولاب كفيلة وسرعان ماتغير حالة وضربت تجارته
من خلال عرض مسويه يقال له سينما فارش بوسط سوق حجاب بسطة وجايب كشك وقاصة من النص على شكل دائرة تدخل راسك وتجلس تقرى الرواية
وكل قزّه بريالين .. وريالين على ريالين وأصبح أبو بروناوي سلطان على ديرتة .! أختفت هذه الرواية أبان حكم سلطان بروناي<-- حطو خطين تحت أبان ترا مرتين قلتها .. وظلّت مختفيه الين قبل عشرين سنه ( ياكثر فقشي ) لقيتها وأنا رايح للصين في مكتبه قديمة راعي المكتبه باقي من هيكلة العظمي حواجبة الي ماطاحت يوم سألته عن سر تمسكه في حواجبة قال الحواجب ياولدي تقيك من حرارة الشمس قلت طيب ؟ قال تذري من هبوب الرياح . قلت طيب ؟ قال كل تبن المهم اني ساومته
على الرواية وقال ياولدي هذي الرواية حفظتها للتاريخ وليس لسواد عيونك لكن انا بعطيكياها لكن بشرط .. قلت وشهو قال تشتغل عندي بائع لمدة خمس طعش سنه
قلت والله لو أني بخطب بنتك يالصيني ترا راس مالها رواية قال ياولدي هالرواية فيها سر النجاح قلت يعني يمديني اخلص الثانويه ؟ قال يمديك تقلب الحكم ((هو الي قال)) <- قماط
قاطعته وقلت له احترم نفسك دام حاكمنا ابو متعب مابي ياكود أصير من بطانية الحاكم قال قصدك البطانه قلت تصير لي كلمه على الشعب قال اجل ابشر بسعد عينك
هذي الرواية بتخليك تصير مثل ماتبي!! وافقت وأشتغلت بائع لمدة 15 سنه مابين ترتيب الكتب وعيني على الرواية ودي اسرقها وانحاش لكن مستحيله هالحركة لان حوجبة
مسويه زي شبكة وليد عبدالله حارس المنتخب .. قضيت المده وجيت له ذاك اليوم وأنا انفض غبار الكتب القديمة قلت له تدري كم التاريخ ؟ قال كم .. قلت له التاريخ 15
ياوليد عبدالله اليوم أكمل 15 سنه خدمة بسنوي بتئولي آآآأأأوف قال سبحان الله ياولدي الشيب طلع في راسك وانت للحين تبي الرواية قلت له الرواية بإذن الله
تمحي الشيب عطاني الرواية وبعد ماخذيته منه وتأكدت اني متمسك بالرواية زين جلست أحفلها في حجانه الين بغى يجي فيه جلطه خخخخخخ طلعت من عنده وانا مبتسم
ورجعت السعودية ودخلت غرفتي أبي أستهل القراءة..فجئة ضرب باب الغرفة فتحت لقيت أمي تبارك لي قلت وش السالفة ؟؟ قالت لقينالك عروس ونبيك تحدد زواجك
قلت يايمه انتي متأكده ؟؟ قالت حلوه ذي قم ألبس أبوك يحتريك تحت رح ملّك .. ناظرت في الكتاب قلت معقوله ذا منك ؟؟ جدعته على السرير ورجعت أنا والشايب من بيت
نسبااي قال ابوي الحمدلله بشوف ورعانك وأنا مابعد شيّبت قلت يبه كم عمرك ؟ قال تو مابعد وصلت الأربعين! قلت يعني يوم تعرس انا الي اصب قهوة ؟ قال هاه قلت يايبه
أنا عمري وصل 30 وانت تقول أربعين سفهني ووصلنا للبيت وحطيت راسي ونمت صحيت للدوام من بكره لقيت المدير عند الباب يحتريني قال مبروووووك الف مبروك
قلت مسرع وصل خبر زواجي قال اي زواج اي بطيخ الملك مستدعيك شخصياً وآمر بمرسوم ملكي يعينك مدير قلم ! عاد أنا في البداية ماستحليتا هيدي الشغلانه يعني
بالله اجلس اراقب القلم وهم يكتبون فيه ولا أسوي قوي ومدير صارم أنزل قرار فصل قلم من جيب موظف !خخخخ ضحك المدير وقال لاياولدي مدير قلم يعني انت المسؤول
عن خطابات الحكومة من قدك وضرب على ظهري وراح تذكرت الرواية وأبتسمت
باشرت في منصبي الجديد .. وبالفعل وصلت للي ابيه وصرت حالياً بطانية لأبو متعب مشى الزمان ومرت السنون <- ترا جمع سنه بالفصيح لحد يحسبها سنون صدق ترا تركيب
وجلست أنا ووزير الصحة نناظر الأخبارية في جلسة سياسية بحته ( لازم يدخل السياسة غصب ) وفي حين حنا نتناقش في قضية فصل التوائم طلع خبر المنكوبين في باكستان
وزعلنا أنا وياه على حالهم قال يا أبوحميد قلت له ياعيون مدير القلم قال أكتب أمر بمساعدة اخواننا وبنخصص جسر جوي لهم لازم نوقف وقفة الأخوان المسلمين قلت هذا الواجب
لكنه سدد لي لكمه من تحت الحزام وخلاني أروح أنا مع المستشفى الميداني وأشرف عليه وأنا رجال خذني سفريات سياحية لاتاخذني سفرة للعمل قلت له جوازي منتهي
وعلى ماجدده بتنشف الأرض <-- تصريفه حلوه .. قال جوازك لاتهتم ياضنايا قلت اجل أنا على اهب استعداد (( أهب في وجهش )) رحت على اول طيارة بالفعل
وأخذت معاي شنطتي وعلبة المكياج الي أستخدمها وقت الرطوبة والرواية .. وطحت أنا وطيارتنا في مطار أسلام أباد الساعه 1 بالليل الساعه 3 الصبح مالقينا ولاقطرة ماء
في باكستان والشعب الي كانو منكوبين لقينا كل واحد عنده بيت وبي أم دبليو قدام الباب .. أتصلت على وزير الصحة قلت ياولد المستشفى الميداني الظاهر ماله لزمه الشعب
كلهم بخير وعافية أنت متأكد الفيضانات هناك قال لا خلاص أرسلوا لنا خطاب شكر وقال مايحتاج تجون .. أستغربوا الي حولي إلا أنا رجعنا السعودية على أول طيارة
ووصلت البيت دخلت غرفتي وأنسدحت على السرير وبين يديني الرواية ضرب الباب وقمت فتحته لقيت امي بصوت عالي تقول مبروك زوجتك حامل قلت والله لو ان مرتي حامل
عن طريق عقد النكاح .. يايمه مابعد اعرسنا قالت سبحان الله فحَصت مرتك اليوم ولقو في بطنها جنين قلت يايمه انتي صاحيه ؟؟ قالت اجل استهبل وتراها في الشهر الاخير
قلت الظاهر مزوجيني فيفي عبده!! .. تعوذت من أبليس وجلست اصحي نفسي قلت يمكن اني احلم كل ذا يصير مابعد اعرست وأحمّل مرتي وأصير من بطانيات الحاكم
ومدير قلم وانا وظيفتي مش حالك !!.. سكرت الباب .. وجلست ادور الكاميرا ورى الدولاب وتحت السرير وتأكدت ان مافيه كاميرا خفيه وأن الموضوع صدق قفلت الجوال
وقفلت الباب وقلت لأمي مابي أحد يزعجني أبد ..

...

|| الرواية ||
بعد ماأخفت نور اللمبة وأشعلت زقارتي أخذت شهقة كأني هزار وجلست أقرى هذه الرواية
قبل لا أقول لكم أي شي .. تحتاج هذه الرواية الى الفراغ التام من اشغالكم يعني قفلو جوالاتكم وتعوذوا من أبليس وأي شخص
يبي منكم شي روحوا خلصوه وأرجعوا وأنا أحتريكم ...

زي ماقلت لكم وش صار معاي أول ما أمتلكت الرواية من زواج ومنصب مدير القلم وبطانه الحكم ..ألخ جاني أكبر فضول
بالعالم لدرجة أن هالفضول دخل موسوعة قنتس كأكبر فضول عند بني أدم في هالحياة وصرت مستعد أبيع ذهب أمي بس علشان
أقرى الرواية .. أستهليت القراءة وكانت الصفحاة الأولى عبارة عن تمجيد لحقبة العلماء والحكام في العصر الباسكتاني القديم
وش لكم بالطويلة تعديت خمس طعش صفحة من زود الشفاحة وأنا جالس أقلب الصفحات طاحت عيني على أسمي الصريح
وقفت أقرى السطر بتمعن (( أصبح أحمد رجل مهم في الدولة وذو منصب وشآن و أعتلى منصات الحكم )) رجعت صفحتين
للخلف (( قال لأمه وهو غاضب .. مالقيتي لي مره يايمه !! ))الرواية كانت تقرى تاريخ حياتي من ولدت الين يومنا ذا لدرجة
أن أسعار
الحفاظات الي شراها لي أبوي أول ماولدت لقيتها في الرواية ومن اي بقالة شراها !! رجعت من جديد أقرى الرواية من الاول
حبه حبه من غير صدمات نفسية
الملك رجب شاه أكبر من شعبان شاه .. ملك ملوك الهند وباكستان كان متزوج من أبنت الشاه الإيراني متعاطي مخدراتي
وأنجبا غلاماً يدعى الشاه مدمن مسك الشاه مدمن زمام الحكم في الهند وباكستان بعد أن أُصيب والده بسكتة قلبية
أدت إلى وفاته ولم يدم حكمة سوى سبع دقايق حتى هاجمة المغول وطردوه أخس طرده من بلادة وذهب لإيران عند خالة أخو أمه
ليترعرع فيها ويدرس الفروسية و الشعر الفارسي .. أصبح الشاه مدمن كبيراً في السن والآمن في أيران كل ماله ويقل بعد إن
خرج المزعوم الأمام خامنائي يطالب بالثورة الأسلامية وزاد الطين بله بعد ما حط رجله شاه ايران الي كان ماسك الحكم وزبن
باريس وجد الشاه مدمن نفسه وحيداً قبل أن يحط رجله هو الآخر متوجة لجزيرة العرب وكان قاصداً المدينة المنورة لكن
طائرتة أصيبت بطلق ناري من سلاح بدوي كان يقنص وهبطت في صحراء (المذنب) ومات جميع من كان فيها سوى الشاه مدمن
وزوجته ليلى أستوردا من بئر كان قريب منهم ماءاً وبنو قطعاً من الطائرة مئواً لهم في الليل ولم يستطيعوا أن يعرفوا دربهم
للنجاة بيدَ إن القماطة لعبت دوراً هاماً وخافو أن يروحون يمين ولا يسار وقطاعين الطرق على سن ورمح ..! ففضلا المبيت
داخل عشيشهم الي تقول عشيش صلبه .. تعايشا سوياً وحملت ليلى بطفلها الأول وما أجمل من تلك الليلة التي جاءها الطلق
وذهب الشاه مدمن سعياً على رجلينه يبحث عن عجوز توّلد ليلى وسرعان ما أسعفه ربي بتلك الخيمة التي كان يقطنها
بدوي وحرمته وعياله وسقط من بينهم وهو يشير لمنطقت الرحم وفهم البدوي أن مرت هذا الأجنبي تبي تولد وأرسل مرته خلف
خطوات رجله الين وصلت لليلى وهي باقي من طفلها رجوله ويطلع سحبته وإذ به طفل جميل طالع على أمه لكن أمه فارقت
الحياة حينما طلع ووهبت لزوجها هذا الطفل الذي سمّاه (ذايب) على أسم البدوي!!! ... تعايش الشاه مدمن مع أبنه جنباً إلى جنب
مع عائلة ذايب البدوي وكبر أبنه ذايب حتى زوّجه من بنات جاره ودفع الصندوق الأسود مهراً لأبنت ذايب لأن الشاه مدمن قالها
صريحاً ماعندي ياذايب غير هالصندوق الي كنت أستخدمه مخده لي.. ورضى اب البنت بالمهر وتزوج ذايب من نوره أبنت ذايب
الجار وبعد مرور السنون جاهم شديّد ( يعني شدو منازلهم) وذهب ذايب ونوره جهة الشرقية تراكاً والده الذي فطس هو الآخر وسكنا فيها وكبرت عائلتهم حتى
أنجبت نوره أبنها أحمد الذي كان يزعج أمه دائماً بالعرس إلى إن وصل لمرحلة اليأس
وسؤاله الدائم فذات مره قال لأمه وهو غاضب .. مالقيتي لي مره يايمه ..! ولكن اجابته بصمت وماتبي تقول له أنهم مقطوعين
من شجرة .. طلع أحمد على جده الشاه مدمن و ورث فروسيتة وشعره وشجاعته وكان واضحاً عليه عندما يلعب مع
أقرانه ويقوم بجلدهم وكان أضفرهم (بالمطارح) ولعبت المقصي ويجيد كرة القدم لكن المدرسة حرمته من المواصلة حتى أنهى الثانوية
وتفرغ لحياتة بحثاً عن الوظيقة بيد إن هوايته في مطالعة الكتب جعلته مسافراً خلف مصادر الكتب والأدب باحثاً عن المعرفة
ووصلت به الرحلات الي الصين التي كان يبحث بها عن كتاب الرواية وجلبه معه الى السعودية ولكنه لم يعي مدى تأثير
الرواية في حياتة حتى فتح الله عليه وقام حظة وتزوج بعد عناء طوييل ..وأصبح أحمد رجل مهم في الدولة وذو منصب وشآن وأعتلى منصات الحكم .. وساهم في تفعيل حركة البلاد وأنفتاحها وأصبحت سمعته تطعن كل أعدائه وأستمر حظة قائماً

..سكرت الرواية وسمعت صوت امي وهي رايحة للمطبخ طلعت لها وأنا اناظرها وفيني بتسيه قلت يمه في موضوع بكلمتس فيه
قالت خير وش فيه ؟ قلت تعالي غرفتي وأنا اعلمتس .. دخلت وجلستها وجبت لها شاهي ومن الحماس بغيت أعطيها زقاره
قلت يمه تقدرين تقولين لي أسمتس الكامل ؟؟ قالت ليه عسى ماشر؟! قلت لها حاجة في نفس يعقوب ناظرت فيني
قالت نوره بنت ذايب بنت مطحن بنت تالع .قلت حلوو حلوو طيب تقدرين تقولين لي أسم أبوي كامل!! وتكفين يايمه
تقولين الصدق أنا بنفسي ماني حافظ غير أربع أسامي أبي أسمه كامل قالت أبوك غير أسامي جدانك كلها من الأحوال
وهالكلام يوم كنت صغير ويوم تزوجني ماكنا نعرف غير اسمه واسم أبوه أما الباقي غيرهم وصارو بأسامي جدانك الي تعرفهم !!
قلت يعني ؟؟ قالت أسم جدك الصدقي ذايب بن مدمن فقط لاغير ... قلت وسالفة قبيلتنا وأننا أصيلين قالت ياحات ربي أن وجهك وجه مربي دلال
لكن أمرح وأنا امك وأنا من شفت الكتاب الي تقراه ومتحضنه وأنا ناويتن أوديك مطوع يقرى عليك خليتها وأنا دموعي أربع أربع
فتحت الرواية وجلست اكملها وأستوقفتني عبارة ضل أحمد مصارعاً للحياة حتى ناهز عمره الواحد والثلاثون عاماً !!فكان جالساً في ذاك اليوم
المشؤوم حدر المكيف يتابع الأخبار وسقط المكيف على رأسه وخرّ صريعاً !! أنتهت الرواية وانا اصيح بصوت عالي بموووت!يمه!بموت بعد سنه وسوست وجلست أحسب الي بقى من عمري 12 شهر بالضبط!أناظر المكيف وأبتعد عنه بأكبر قدر ممكن ! من بكره رحت بدلت مكيفات البيت وشريت مركزي .. تركت الوظيفة .. تناظرني أمي بنظرة عطف وشفقه وأنا أناظرها بنظرة الي بيفقد!!كتبت وصيتي وحطيتها تحت زولية المقلط جمعت ثروتي كلها وقسمتها ثلث ثلث على ابوي وأمي وجيراننا وراعي البقالة وبقى منها ريال واحد شريت علك ووزعته بالتساوي؟الذمة ضاقت ولا أبي أنقص حق أحد.قطعت علاقتي بأخوياي وجلست 12 شهر ماعطيتهم قطية الأستراحة الين بقى شهر على التاريخ الي حددته الرواية صرت أدخل البيت وأجلس بالنص!بالصالة بالنص والمجلس بالنص ماحب اجلس قريب من المكيفات حتى المكيف المركزي اسوي له صيانه كل يومين جتني أمي بغرفتي وهي دموعها أربع أربع قالت تكفى علمني وش فيك ناظرت فيها وأنا وجهي تقول فيش خشمي صار طويل من الهلاك طلعت لها الرواية من تحت السرير وقلت لها أقري .. فتحت الرواية وجلست تقرى وهي ساكته وكل مالها تغرق الفرشه بدموعا وأنا أسوي أشيل دموعها ويدي غرقانه دموع <فلم هندي..فجئه زاد البكاء حييل قلت شفتي يايمه قالت اي والله شفت بس وشلون كاتبين عني كل شي قلت قصدك عني ؟!! قالت لاعني أنا !!أخذت الرواية أقراها قلت يمه محد جاب طاريتس !! قالت ياولدي أقرى هنا مكتوب أني راح أتزوج أبوك ونجيب ولد أسمه أحمد !! أتضح لنا أن الرواية تقرى تاريخ حيات كل من يقراها وعلشان كذا كان الناس في ذيك الأوقات يتهاتفون عليها يبون يقرون تاريخهم .. أخذت الرواية ورحت لأبوي وخليته يقراها وبكى بكاء أليم هو الآخر لان مكتوب بالرواية أنه بيموت بعدي بأسبوع من نفس المكيف الي بيطيح على راسي جلسنا أنا والوالد في نص الصالة وأمي حولنا وتقرى علينا وحنا تقول متعاطين مخدرات مره اعطيه الرواية يقراها ومره أقراها أنا الين جاء الموعد المذكور في الرواية وأبوي حبني على خدي وودعني وأمي واقفه وراه ماتبي تناظرني ودموعها ست ست هالمره من شدة الحزن رحت أنا بكل أقتناع صليت ركعتين وتشهدت وبدا العد التنازلي كانت الساعه 2 الظهر وموعدي 2:05 يعني باقي خمس دقايق مرت الدقيقة الأولى وأنا اتثاوب جاني النوم .. والدقيقة الثانية والثالثة أخذت لي قيلوله يوم جت الرابعة وأنا أتربع وأوصي أبوي أنهم يسون لي جنازة مثل جنازة الملوك العظماء ووصيته يألف كتاب بعد وفاتي يحكي عن أنجازاتي ويبني لي مسجد في جنوب أفريقيا وأنا جالس اوصيه وهو يهز راسة ويقول أزهل أزهل تراني بلحقكك بعد أسبوع ياحقير مايمدي أسوي كل ذا قلت وص أمي من بعدي ومن بعدك ناظرت في الساعة باقي عشر ثواني غمضت اعيوني وأنا أشوف شريط ذكرياتي .. فتحت أعيوني وأناظر بالساعه تعدت وصارت 2:06 ناظرت في أبوي وهو يسأل امي يقولها مات ؟؟ وأمي تهز راسها قال الله يرحمة صحت بصوتي قلت الحمدلله ما مت قال أبوي شوفيه جالس يلفض أنفاسة الأخيرة .. قلت يايبه أنا حي..جا يبي يشيلني على يدينه لكن وزني ماساعدة سحبني مع يديني وركبني السيارة وأمي أخذت عبايتها وركبت معنا ناظرت وين رايحين لقيتهم ماسكين خط النعيرية وقفو تحت شجرة وجلس يحفر بيديه جنب الشجرة وأمي تقول أنجز !! نزلني من السيارة وحذفني بالحفرة وجلس يدفني وأناديه وهو أشكل !! دفنوني وأسمع صوت السيارة وهي رايحة وأقتنعت اني ميت .. جلست أنتظر في الحفرة وجا الليل وجت القمطة معه وأسمع صوت ذيب خارج الحفرة يدك الأرض ويحفر بمخالبة قلت أمحق موته ليته على طيحت المكيف .. دخلت وحده من رجولة علي وانا مسوي نايم .. الين مخش خشمي وأقوم اتكتف فيه وبدال ماهو يبي يهاجمني هاجمته ويدور النحشه وانا مجوّد فيه ويقوم ينتشلني من الحفرة وينصرع وأصحيه ويصحى قال تكفى ماعاد أعودها قلت على شحم تبي تذبحني ؟!! قال مادريت انك حي ولا من جدك أذبحك!قلت خيرتك ياتصير حصان توديني بيتنا ولا دفنتك في ذا الحفرة قال أوديك.. وأركب في ظهرة ولايردني غير البيت وأدخل مع الدريشة والقى أبوي وامي في الصالة يضحكون ومبسوطين وأتسمع كلامهم وأبوي يقول يبي نألف فيه كتاب وهو رسالة تذكير واجد عليه !!! وأدخل عليهم قلت لا حرام منت أبو ولا أنتي أم تسون في ولدكم كذا وتضحكون علي وأنا ميت .!! أنقطع ضحكهم ويناظرون فيني قال أبوي كيف جيت وكيف حييت !! قلت أنا مامت ليتني مت ولا شفتكم بهالمنظر قال أنت فاهم غلط !! قلت أنا فاهم صح والي سويتوه فيني راح يدخلكم السجن !! وأطلع من عندهم وأتصل في محامي ورفعت دعوة قضائية عليهم وأنسجن ابوي وأمي طلعت بكفالة والي طلعها أنا !!صعبه ياجماعة هذي أم !! قلت لها ليه سويتوا فيني كذا قالت ابوك عقب ماشاف حالتك وأنت تقرى في الكتاب وتقول بموت أتفق معي أننا نذبحك ونريحك من همك قلت يعني الي صار متفقين عليه قالت ايه زعلت وتركتها وهاجرت للصين ورحت للمكتبه الي أشتغل فيها لقيت الشايب الصيني على ماهو عليه ناظر فيني قال صرت تاجر ولقيت الي تبيه ؟ قلت له قل أني مت ورجعت للحياه مره ثانية ..! قال واضح عليك التعب تعال اجلس جنبي ... جلسنا نسولف وأعلمه الي صار لي وبعد كم يوم توفى الصيني وكتب المكتبة بأسمي قبل لا يموت ورجعّت الرواية في أدراج المكتبة وأجمع رزقي مثل ماجمع رزقه أحمدي نجاد وسلطان بروناي مايستفاد 1/ لو تجري جري الوحوش .. غير رزقك ماتحوش 2/ القدر شي غيبي لا يعلم به الا الله والي مكتوب هنا خرافات من وحي الفضاوه 3/ بين السطور كنز السطور بين << أقراها بالمقلوب . 4/ أعتذر من الشخصيات الي مكتوبه بالقصة وأتمنى محد يزعل يا ابو نجاد. 5/ الأسرار في القصة في الأسرار << أقراها بالمقلوب . 6/ لاتجلسون تقرون بالمقلوب ترا كل شي واضح + أشياء يفهمها الفهيم وترا ماتحرشنا في السياسة أبد

علاقتي ب(درعا) الي بين (جنوبي) ترعا

بيتنا طول الله اعماركم عبارة عن غرفتين وصالة غرفة لجدي وغرفة لأمي وصالة لشغالتنا وأنا مايحتاج أقول لكم اني أرقد بحضن أمي كل يوم ماتشوفوني وانا شايل اكياس الحنان وضاغط بالماوس على إيقونة مدونه جديدة بكل رقة ودلع من كثر مافيني حنان يوم سجلت في بلوجر حاطين في خيار الجنس أنثى جيت بغيرها طلعت لييا أنثى ياجنس ثالث حدد؟!! راسلت الأدارة وجبت لهم تقرير طبي وصدقوا أني ذكر !! لان ماسمح انزل مواضيع وأناأنثى عيب عند الربع والجماعة
نخش بالموضوع ولانزود حتسي خبركم صيف وحر ورطوبة وانا الصدق ومن غير كذب شاب ماني لطيفأسمر اغبر مكرش وعندي جنوب عراضتنفعني بحالة وحده اذا صار عندنا عزيمة يخليني ابوي اجلس جنب ضيفين علشان يتركون عليها علشان كذا قلت لكم ان جدي بغرفة وامي بغرفة والشغالة بالصالة مافيه مكان لي بالبيت اذا جيت اناميطلعوني برا البيت وأصير أخدم أهالي الحي وانا نايم لأني أحط حدى جنوبي جهت الشارع بحيث يصيرمطب صناعي مايمدي احد يفحط بالحارة ولايسرع في ليلة من ليالي الصيف مديت يدي أبي أحك جنبي اليساروبحركة غير مقصودة ضربت جرس الجيران صحيت أبي اتفادى الموقف وماعاد يمديني ردت بنت جيراناعبر التلفون الي معلقينه على بابهم قالت مييين ؟ بالبداية سكت وبعد ماكررت السؤال قلت لها انا دحوم ابي احكجنبي وضربت الجرس !! قالت الدحمييييييي ؟ قلت ايه!!॥ سكرت التلفون وفتحت الباب طلعت وهي متغطيةومعاها قلم خطاط । كتبت على جنبي الي جهت بابهم كلام ودخلت للبيت .. قمت من مكاني ورحت للمرايةابي اشوف وش كاتبة وعجزت لاني واقف قدام المراية بس ماشوف جنبي حاولت اني اقرى لكن مافيه فايدةمرت الايام وانا محتار وابي اعرف وش كتبت .. جاتني حالة نفسية مرضت وخلصت الثانوية بعد ذاك اليوم بسنهومرت سنه ثانية وانا عاطل ومالقيت وظيفة وكل همي كان مصبوب على بنت جيرانا أفكر فيها وأفكر بكلامهاوانا ماقريته لكن حسيت ان قلبي يخفق أتصلت على عبدالله الربيعة وشكيت له حالي ونفسيتي الي تعبت وقاليعني تبيني افصل جنوبك عن بعض ياخوي انا دكتور فصل توائم مالي دخل بنفسيتك وقفل الخط بوجهي وزادت النفسيةأكثر وكل مالها تتصاعد لدرجة أن عبدالغفور راعي بقالة الحاره أقول له كم الحساب يابوفسيه يقول خمسة رياليابونفسية ثم تزييييييد الحالة أكثر وأكثر الين مالاحظت وأنا كل يوم على المراية أن الكلام كل ماله يقرب مرت الأياموصار الكلام يقرب قرب الين وصل الكلام حول سري طبعاً هالضعف الي جاني كله من النفسية ولاانا ماطرى على بالي اسوي رجيم أطلاكاً هههههههه بعد ماضعفت وصار جسمي رشيق وقرب الكلام لين بطني صارت الحروفصغيره مره لان التمدد الي كان سابقاً مكبر الحروف والحين انا متقلص يعني الحروف تقلصت خخخخخ ضعفت ضعفت الين اختفت الحروف وزادت نفسيتي أكثر من قبل وطاح شعر حواجبي والمفحطين كثرو بالحاره وصارو اهل الحارة يجون عند جدي ويحاولون يحلون مشكلتي وقال لهم جدي أنه ماراح يمتن بسهولة وأقترحواحد يودوني للبنشري وينفخوني بالهوى شقلوني على ددسن جدي وراحو للبنشري وحطو خرطوش الهوىفي خشمي وصرت انتفخ انتفخ الين طرت بالسماء وكان الغلاف الجوي يحدني مايخليني اصعد فوق الين دليت درب فتحت الأوزون وطلعت منها مسافراً خارج الكورة الأرضية ومتبطح في درب التبانه فجئة جتني رسالة على الجوال وطلعته من مخباتي لقيت الأقلاع مرسلين نشرة الأخبار ويقولون ناسا أكتشفت كوكب جديد وزادت نفسيتي أكثر وأكثر الين ضعفت من التعب ورجعت دخلت من فتحت الأوزون للأرض وطحت في قدرطبخ قبيلة الهوهاياتي في جنوب افريقيا كانو ناوين يذبحون فيل ويوم شافو جنوبي وانا طايح من السماء رجعوالفيل للقفص وزهبو السواطير بيذبحوني عاد انا أذكى منهم شقيت سروال السنه على شكل جنحان حمامهوجلست اهفهف الين وصلت الجزيرة العربية وناظرت ورى لقيت القبيلة في حالة أبادة بشرية ( معروف السبب) وانا طاير بالسماء مريت على جرير وشريت مجهر ألكتروني ووصلت للبيت وحطيته على الكلام الي ببطنيوطلع مكتوب بالأنقليزي ( أي لف يو ) وزانت نفسيتي ولله الحمد ورحت انا وجدي خطبنا بنت جيرانناوحالياً نعيش أنا وياها مبسوطين وأجنوبنا في مكبتنا <-- يسمع بالأمثالهذه هي قصة غرامي في بنت جيرانا (درعا) الي بين جنوبي ترعا

الجاذبية (زيرو بوينت ) ..!!

رجوع خالد في ذلك اليوم من المدرسة وقد وبخه مدرس اللغه العربيه الأستاذ غرم الله أحس بجوع أكثر من احساسه بألم الضرب ! دخل المطبخ فلم يجد طعاماً ذهب ليسأل أمه لماذا لم تحضري الطعام أجابته ( الثلاجة تصوفر! والراتب مانزل )

كالعادة هذا حال عائلته في أخر الشهر يموت جوعاً حتى تأتي ( الماهيه ) ويكادون أن يأكلو الفلوس بدل ان يشترون دجاجه منزلهم يضخ جوعاً يا إللهي ..! طفل مثله في الصف الخامس أبتدائي لا يفهم المشاكل الأسرية ولا يعي ماذا تعني مادة اللغة العربية جل أهتماماته أن يسافر خلف الغيوم وبالفعل بعد أن استيقض من نومه تحديداً كان آذان المغرب يصدح !!

ذهب متوجها للسطح وهو في غيبوبة الحلم الذي راوده وناظر للسماء محاولاً القفز بكل جهدة حتى وصل للقفزه العشرين ولم تعد قدماه تلامس الأرض ! وكأن له جنحان ويطير ! نجح فرناس ابن قرناس هههههههه ..!

انظروا كيف يحلق فوق الحاره ويجد اصدقائه يحّيونه ويهتفون بأسمه وهو سعيد بذلك بالفعل في قلبه ثقه لأنه أجتهد بكل قفزاته حتى كاد ان ينشق سرواله! ويأتي بالعيد ! لكن الطموح الذي في قلبه كان أكبر من يأسه هو الأن يدوج بأشرعته الوهمية وعينه للسماء ليكتشف ماذا تخبئه السماء ذات الألوان الجميلة ودع أصحابة وهتف بأعلى صوته ( برب) وداعاً ياأطفال أنا الأن سوبر ماان !

أنطلق بسرعه 500 كم مطلقاً من خلفه غازات هيدروجينه أصابت الأرض بكوارث بيئيه ( مروح هذا الطفل ) لكن لايهم لأنه حقق طموحاته ووصل للغاية الى هناك يابطل !!...الشمس الأن من على يمينه وداخل كتف ليشطف القمر بمرايته غير مبالي للجاذبية لأنه وصل لسرعه خياليه ولا ( كامري ) تقدر تجيبه بعد قليل سيكون عطارد امامه ولكن سرعان ما خلص بانزين هذا الورع وهبط هبوط أضطراري بذلك الكوكب كان الظلام يحيط به السمع شغال ميه ميه النظر سليم !! بعد إن تفقد أدوات السلامه وجد إن ذراعه اليمنى مكسوره تحتاج للعلاج حالاً....

مشى يبحث عن خشبه ليجبر بها ذراعه وكان يبحث بكل مكان حتى أنارة الشمس عليه وكأنها تقول هنا ياكمخه !! ضحك جداً من تصرف الشمس وشكرها ورجعت لتغيب مره أخرى لأنها أشارت لوجود هيكل مركبه تابع لناسا كانت تجري التجارب للوصول لهذا الكوكب ولكن لا أحد وصل له حتى اليوم الا خالد !!

أخذ عامود الكرنك ولف به ذراعه ليجبرها . وأكمل طريقه ليصل الى ذلك الجبل العالي تسلقه بكل مهاره حتى وصل للقمه وهو متلهف ليرى ماذا خلف الجبل ! فتح عين وسكر عين من شدة حرصة لكي لايراه أحد وجد أشكال غريبه أحجامها مختلفه كائنات يشبه رأسها الغزال بعين واحده وأطراف ايديهم تتوفر هناك ثلاث اصابع وقطع غيار خلف كل يد ماهاولاء لايدري دقته اللقافه وذهب لمهم وشرح لهم قصته وهو يشرح ومتحمس قال ذا مافيه طب لأنه كان يحكي لهم وكأنك فاتح مغسله وجايب لك هندي مايعرف عربي وانت جالس تفهمه ويهز راسه وعقب شهرين تشوف ميزانيتك في دحدره .

شقلو الورع ووده لسرداب تحت باطن عطارد جلسوه على كرسي مصنوع من قصب السكر وأمامه طاوله وكأنه في كشك ويبيع بليله أهبل ماعرف يدبر عمره مع الرياجييل ! <--- ماعليه تحمس الكاتب في حين الغبي جالس ينتظر جابوا له ( نانسي ) ..

من هي نانسي ؟ هي الطفله التي هربت من منزل أبويها في أمريكا الشماليه ومن قو القهر جلست في ساحة اطلاق الصواريخ في وكالة ناسا وانشبت في أول تجربة مكوكيه ذهبت لكوكب عطارد وتحطم المكوك ولكنها نجت بأعجوبه وعاشت مع هذه الكائنات حتى جا خوينا راعي البليله وقالوا نجيبها اتفاهم معاه سكروا عليهم الغرفه وجوهم بعد ساعتين ولافاد لأن هي اتكلم انقليزي وذا عربي .. يوم شافو إن ماله طب حاولوا يعلمونه الكلام حبه حبه وتعايش معاهم ..

لين مر على وجوده في عطارد نحو الخمس سنوات كبر وكبرت نانسي وخط شاربه واللحجي بدال لايشكر البنت الي متحملته صار يحارشها جنسياً وهي على نياتها تدربي الدميجه ومصفيه النيه لكن حسو الكائنات وعرفوا ان ذا قصدة ماهو شريف قال شف ياابو الشباب انت من بلغت وانت معاقبنا عقوبه ماخليت بزر وبنت في الكوكب الا وانت تحارشه حنا نبي نزوجك وش قلت <<< يارجال لاتشاورة ذا لو تجيب له جدار تزوجه سعودي ياشيخ لو تثقفه من هنا لي بكرة يبقى داشر تسلاب ههههههه بالفعل زوجوه ونانسي في ليلة زواجها ودوها لكوكب الزهره لأن المشاغل الي هناك اكشخ من مشاغل عطارد يسون المدكير والمنكير بثلاثين حديده معدنيه <-- عملة عطارد بعد ما وحدوا العمله .

أتمو مراسم الزواج وجابو محاورة في ليلة الزواج وكانوا الشعراء (دادا 2000 وكيكا المورقي) <-- ابد ترا هم عندهم زينا بالضبط في صالة الحريم حلفت وحده من الكائنات الفضائية إنها ماراح تجي اذا ماخلو العرس طق أسلامي !! وافقوا وجابو ديجيه اسلامي وسمروا في ذلك اليوم احلى سمره وبعد زواجهم بأسبوعين حملت نانسي <-- اشهد ان راعي البليله مجحم ..... يعني بالكثير شهرين راح تولد لأن هناك وقتهم يمشي بسرعه اليوم عندنا يصير ساعه عندهم والكذب واجد وخذ وخل رزقه ربي بمولود سماه على اسم ابوه ( فالح ) وذبح له حيوان فضائي طبعاً شكل الحيوانات الفضائيه في كل عطارد وحده هم يستخدمونها للأكل ويركبونها يروحون يقضون أشغالهم وبرضو يستخدمونها للزراعه والمحاصيل شكلها أقرب مالها ضفدع مكرّش واذا جوك ضيوف تجمّلك مع ضيفانك <-- هذا هم البدوي

.كبر فالح وصار ينشب لأبوه في كل يوم ليه أشكالنا غير عنهم وليه حنا بس الي كذا وكيف جينا هنا وصار يجاوبه على كل أسألته وعلمه وشلون طار من الأرض عبر الغازات الهيدروجينيه ووصل لعطارد . نام الولد وصحى من نص نومته متوجه لأمه الي كانت تنشر الغسيل قالها يمه عندي حلم !! قالت وش تحلم به ؟ قال ابي اطير فوق السحاب هناااك ! قالت وين ياولدي ؟ قال ورى الغيمة هذييك الي تشبه لك ! ضحكت وقالت رح ارقد ياوليدي ( )الأب كان يناظر فيه ورى الشباك يوم كان الولد يسأل أمه وعيونه تدمع ! ودرى إن أبن أدم مايشبع وهو يحلم ! وإن الأحلام فطرة في نفس الأنسان تضخ ولاتوقف تملك قصر تطير بجنحان تشتري روز رايز تبقى فقير وما الغني الا الله .

.

مسلسل سالم الصيني .....!!

مسلسل سالم الصيني .....
(1)لو بكيت أدموع عيني ماتفيد < ادموع عيني ماتفيد وان سكت الشكوى مافيها مسد كل يوم يذوب في قلبي وريد أتصبر مير ماعندي جلد آآهه أمممممممم الله على هالنغم الجميل يابونايف أطربنا بعد ادعس ياخنفوس الليل طويل والمقهى بعيد والعيال يحتروني ..على خط ابو حدريه الواقع شرقي المنطقه الشرقيه <<-- ابو من علمك جغرافيا سالم يقود سيارته متجه نحو مقهى الشيشه هناك ينتظره عدد من اصحابه وهو في الطريق يغني ومنطرب مع خالد عبدالرحمن وماله من الشيطان طاري لقى سياره على الجنب الايمن من الطريق متعطله صفط قدامهم ونزل يبي يساعدهم تقدم نحو السياره وجد سايق وبنت صغيره في السن لايتعدى عمرها السابعه عشر ذات جمال وكمال ربي مصورها بأحلى صوره ملح سكر حلاوه شيره جبن مثلث بطاطس ليز وش أقول لكم بنت تقول للقمر يابو الشباب وخر وخلني انور الأرض من نور وجهها ..سأل سالم معذره تبون مساعده ؟؟؟ ردت البنت عليه يس كان يو هيلب مي ذا سواق از كمخه ماعرف يصلح الكفر !! أستغرب سالم من لكنتها الأنقليزيه قرب شوي من عندها ناظر فيها دقق في عيونها اتضح ان ملامحها من شرق آسيا .. جمع كم كلمه على السريع انقلش وقال لها يس أي كان بط كان يو يفتح شنطه مال سياره ؟علشان طلع كفر ؟ قالت له يس يس .. راجووو أفتح شنطه !!أخذ الكفر وصلح السياره بسرعه مدهشه وهو جالس يصلح انفتن من شوف هالآسيويه أدري بتقولون مالت عليه أنفتن في شغاله صدقوني لو تشوفونها انكم تعتبرون أنفسكم شغالات قدامها خلص بسرعه وغسل يده ورجع لها وقال ( أني سيرفس بليز !! ) قالت يس وهي ترجف وهي خاقه معه وهي تقول وش ذا البطل الي صلح كفر !!كان يو قفمي يور نمبر ...؟ طلع ورقه وقلم وكتب رقمه وعطاها كمل طريقه سالم متجهه للمقهى شيّش مع اخوياه وكمل السهره ورجع للبيت وحط راسه ونام من بكره جاه اتصال على جواله من رقم غريب رد ألو نعم ؟ رد عليه واحد سعودي أخ سالم قال نعم / قال تقدر تجي للقنصليه ؟ اي قنصليه ؟؟؟ القنصليه الصينيه ! قال له ليه طيب ؟ القنصل الصيني مستدعيك طوطوطوطوط .!!!لبس ملابسه ومايردك ياسالم غير القنصليه أول مادخل لقى البنت الي انقذهم البارح قدامه .. انطحته قدام باب القنصليه ورحبت فيه ودخلو غرفه وجلسو لحالهم في هالغرفه ... العلم ؟؟ قالت اسمع يابو شنب احنا سألنا عنك ومن خلال اسمك الي اخذناه من الأتصالاتوعرفنا انك انسان فاشل مالك هدف في الحياه ماغير سربته ودوجه في المقاهي وقررنا اننا نعالج وضعك بأقرب وقت كمساعده من عندنا لك لأنك ساعدتنا وأنقذتنا . طيب كيف ووش الي بتسونه انتم ؟ قالت راح تروح معانا لبكين العاصمه هناك وتدخل معانا في برنامج لمدة شهر وراح نخليك أكبر مليونير سعودي وخليجي وعربي !!راح ننتظر ردك خلال اربعه وعشرين ساعه اذا انت موافق أو لا ... ناظر سالم في البنت وأستوعب الكلام وناظر في نفسه ؟؟وسأل نفسه أروح وأوافق وأتلهاا للصين ؟!! ولا أجلس في ديرتي وشي تعرفه ولا شيّن تجهله؟ بعد ست ساعات وسالم يفكر ولايدري وش يقول.. قرر قراره المصيري والتاريخي انه يوافق ويروح لبكين من غير مايشاور احد ولا حتى شاور ابوه .. وقع على الأتفاقيه من غير مايقرى وش مكتوب بالأوراق ...*طار للصين وصل هناك ومعاه البسكوته الصينيه اقصد( شيوانا )الي هي البنت الي أسعف سيارتها يوم كان بالسعوديه .الي مايعرفه سالم عن هالبنت .. انها هي نفسها أكبر عميله للأستخبارات الصينيه مع المافيا والدول الأرهابيه وعملاءالي أي ايه وجماعة حب كوعك البنقاليه الي هم يشكلون اكبر خطر على السعوديه لأن السعوديهتستقطب هالعماله البنقاليه اعضاء جماعة حب كوعك وناويين يخربون البلد !!يعني بالصيني هالبنت هي الي راح تدمر حياة سالم وسالم مايدري ويدربي راسه معاها يحسب انه راح يصير ملياردير سعودي !!شيوانا سكنّت سالم في فندق خمس نجوم قالت له ارتاح هنا وعطته جوال بشريحه صينيه وقال اول ماتصحى اتصل علي وراح نكون موجودين حولك وحواليك .نام سالم ذيك النوم الي جايه من بعد تعب السفر والعناء الطويل صحى بالليل ضميان يدور كوب ماء يروي عطشه ..فتح الثلاجه وكركركركركر لّك أم بطل الشراب الي موجود بالثلاجه يحسب انه بطل صحه الحياه <<- يحسب انه في الزلفي على غفله مايدري انه شراب نسبة الكحول فيه سبعين بالميه يعني فاقد فاقد الله لايعوق بشر رجع للسرير يبي يكمل نومته ولا قدر لانه فقد الكمخه وصار يضرب في الجدران ماهو عارف يمشي في طريقه بالغلط فتح باب شقته وطلع برا الشقه وهو مايدري وماعليه غير سروال سنه نزل للشارع وهو يخثرق ويقول ابي امي ابي ابوي مايدري وش يقول من كثر ماهو لاكهاا من البطل وسكر سكره أليمه !!مشى في الشارع ولقى له بنت وولد حاضنين بعض حس انه هذا شي غلط وعيب تعرفون تفكير سكران جا عندهم وجلس يهاوشهم يقولهم عيب الي تسونه تغطي يابنت الصيني طبعا الولد مافكر فيه قاله بالصيني تشونق شينق شااااانقوو يعني أنقلع لا والله العن ثواك ..< درى سالم انه جالس يسبه الصيني مادرى عن نفسه سالم الا وهو ماسك عصا مرميه على الأرض وضرب فيها راس الصيني وطاح صريعاً ميتاً بضرف لحظه .. دقايق معدوده وهو في صحصحه من الموقف جت الشرطه وشقلو سالم للسجن ( طبعا علشان تكونون بالصوره في لصوص دخلو شقة سالم يوم لقوها مفتوحه وسرقو جوازه وكل مايتعلق في سالم من اثباتات )جلس سالم في السجن وكل ماجاه محقق يبي يسأله يرد عليه سالم يقول نادولي تشيوانا ابي تشيوانا ....مالقو له حل غير انهم يتصلون في السفاره السعوديه جت السفاره السعوديه وماعترفو فيه لانه قالهم جوازي في الشقه ويوم دورو الجواز مالقو له اي اثبات ..السفاره وسحبو عليه سيفون وتشيوانا ماتدري وين سالم ... وسالم ماقدر يقول لتشيوانا انه في السجن لان جواله في الشقه وسرقوه اللصوصحكم على سالم بالسجن مدة خمس طعش سنه مع اعمال شاقه !!جلس سالم في السجن المده كلها وأعفو عنه بعد عشر سنين الحقه العفوا الجمهوري الصيني وأعفو عنه مدته الباقيه الي هي خمس سنين طلع من السجن سالم ومامعه شي من الحياه غير بدلة السجن الي تصدقو عليه فيها ادارة السجن يوم درو ان ماله غير سروال سنه !! تاه سالم في شوارع بكين مايدري وش الي بيصير له ووين يروح حلقة سالم الأولى أنتهت !! وزير الأقتصاد الصيني يعلن عن أغلاق سوق الأسهم الصينيه .. ويأمر بحل الأزمه عاجلاً .وردتنا أنباء من الأستخبارات انها ستعطي من يجده حياً أو ميتاً جائزة بقيمه ( 2.000.000) دولار أمريكي ... يا أم سالم والله مالقيناه دورنا عليه بكل مكان حتى الحكومه ماتدري وينه فيه .طق طق طق .. يابو سالم ولدك طلع في التلفزيون !!..هااااه مااااااات ؟!!! وين جثته !(2)المكان : الدمام / السعوديهالساعه : 10 .10 مساءاًتكفى يابو سالم دور عليه له شهر ماندري وينه <-- هذا حال ام سالم قبل لاتدري ان ولدها هج للصين أبو سالم ماخلا مكان ما سأل عنه ولا خلا محل والجرايد والتلفزيونات تعرض صور سالم المفقود من أكثر من شهر ولحد داري وين خبره !! مرت الايام ومرت السنين وسالم دخل السجن وطلع ولا أحد درى عنه !!في الصين :/سالم ضايع في شوارع بكين ..هذا حظي من على الدنيا وعيت .... كل ماضوي شمعه في دربي طفت مع جميع الناس ياربي وفيت .... ليه بس الي معي الدمعه وفت يترنم بها سالم بعد خروجه من السجن حاير تايه لايدري اين يقضي يومه ولايدري وين يحط راسه وينام ! مرت الايام ومرت الشهور وحال سالم ماتغير هذا هو من طلع حتى بدلت السجن ماغيرها شقا وبهذله ولا احد داري عنه ياكل ويشرب على بقايا المطاعم المرميه في الشوارع ويتلحف كراتين البقالات لايقيه من حرارة الشمس وبرودت الطقس غير كرتون لاف به جسمه !في أحدى اليالي الموحشه وبالتحديد في أحدى أحياء الصين الشعبيه وجد سالم بار صغير خلف زقاق شارع قديم وشبه مهدوم دخل ليرفهه عن نفسه بالنظر للشعب المنتهي الي سكران ويرقص وكلن في حاله وسالم مثل ماقال ابو نوره لا صديق ولا رفيق ولاطريقن اتبعه !! جلس في ذيك الطاوله وجاته القرسونه وقالت له وش تطلب ؟؟ قال لها شوكراً مابي شي طبعا هي كررت السؤال عليه لأنها ماتدري وش يخربط ولاهي عارفه عربي رد عليهاوقال لها مابي شي وخري عني انتي وش تبين بياا <-- طبعا هي سمعت اخر كلمه وتحسب انه يقول شمبانيا لانها قريبه من كلامه المخربط ! وش تبين بيا شمبانيا ههههههه جابت له شمبانيا وهو مندمج مع الرقص والهسرته فتح البطل وجلس يقرقع مثل قرقعته الي في الحلقه الأولى لين مافقد .. وقام يهز وسط مع الي يرقصون ويوم حس ان جاه النوم راح يبي يتلحف كرتونه الي في ذاك الشارع طلع من البار مادرى الا والبودي قارديه ماسكينه مع كتوفه وين يالحبيب تطلب وتمشي نبي الدراهم ؟!! قال عسا ماشر وش السالفه المهم بعد محاولات وفك وبوكسات مانفع معاه راحو وعلمو رئيس البار الي هو رئيس عصابة الدم الأحمر الصينيه وهذي عباره عن عصابه كبيره تضم قتله مأجورين ومجرمين وناس لهم ملفات في الحكومه في عمليات النهب والسطو ...جابوه لعند الرئيس وبعد مادرى الرئيس انه ماراح يفهم كلامهم جابو لهم شخص يعرف يتكلم عربي علشان يترجم كلام هالمسطول سالم ..جا المترجم وقام يترجم كلام الرئيس لسالم قاله الرئيس وش انت من عصابه ( يعني زي ماتقولون وش انت من لحية ) بس طبعا لغة اهل العصابات !!؟؟ قاله انا مانتمي لأي عصابه انا شخص تايه ولا أعرف أحد هنا ولاعندي مكان اروح له.. وجلس يقول له قصة حياته من طء طء ... لسلام عليكم!! والرئيس مندهش من القصه قطع الرئيس كلامه يوم سمع طاري البنت (تشيوانا) الي مع سالم في الحلقه الأولى !!؟؟قال انت تعرف تشيوانا ؟ قال سالم ايه اعرفها وادورها من حوالي عشر سنين ولالقيتها ! انتم تعرفونها ؟؟ قال الرئيس من الي مايعرف (تشيوانا) بس انت قولي وش تبي منها ؟ قال هي الي جابتني هنا وهي الي تقدر ترجعني للسعوديه ضحك الرئيس ضحكه شنيعه وجلس يقهقه على راس سالم قال ياحبيبي يا انت ..!! هذي ماهي بالصوره الي هي عطتك اياها البنت هذي معروفه بالصين كلها انها تستقطب ناس من برا يدبرون لها عمليات في الصين علشانتطلع من عملياتها الاجراميه سلام سلام من غير لايضر مصالحها الشخصيه اي شي ...وانت جابتك هنا تخلص لها أمورها بس احمد ربك انك دخلت السجن ولاكان دمرت حياتك !!زعل سالم بعد ماسمع كلام الرئيس ودرى انه منكوب من يوم انه ورع وان الدعوه كلها ضحكت على شاربه البنت ولعبت عليه !! قاله الرئيس شووف ياسالم انت الحين نطلبك حق المشروب وحق الطاوله وماراح نسامحك فيه ابد ولك الاختيار يا اما تدفع القيمه لنا او تسمع لشروطنا وتنفذها !! قال انا ماعندي الا الضعوي عطوني شروطكم الي تبون بسويه لكم هي خاربه خاربه!! قال اجل اسمع تدخل في مشروعنا الجاي الي هو سطو كبير جدا جدا وراح نربح من وراه مبلغ جامد يخلي عصابتنا من اغنى عصابات الصين كلها .. قال تم بس نسطو على وشو قال له البنك المركزي الصيني <--- !!!! انصدم سالم من السالفه وحس ان الدعوه كبيره وان فيها نكبه عليه وعلى العصابه كلها لان البنك المركزي تحت حراسه مشدده من الشرطه والحكومه بكبرها !! فكر شوي وقال طيب مايمدي اغسل صحون في البار وتفكوني من السالفه ههههه !! <-- طلّع واحد من العصابه ! مسدس ووجهه نحو راس الكمخه سالم قال اسمع ياشنب ياتوافق ياتمووت !! قال اموت ولا اقول ( لا ) <-- يعني وافق وهو مايشوف الدرب جا اليوم المحدد للعمليه واجتمعو العصابه كلها واتفقو على الخطه في اقتحام البنك ويوم صارت الساعه تشير لقرب موعد العمليه دخلو البنك والأسلحه معاهم وعطو سالم ( كيس ) وعبا فيه الفلوس الي في خزينة البنك وماخلا ريال صيني إلا وحشره في الكيسه فجئه طبت عليهم الشرطه واقتحمت البنك وركض واحد من العصابه واتجه لسالم وقال له ياسالم ترانا انكفشنا هج لأن راح نفجر البنك بالي فيه هج الصيني وسالم انكب مايدري وش يسوي دور له باب يطلع من عنده ولا لقى وهو يدور ومحتاس وضايع انفجر ذاك اللغم الي سمع دوي انفجاره العالم كله ..!! بعد دقايق العصابه تجمعت في المقر وكلهم موجودين إلا سالم دورو عليه ولا لقوه شوي ويعلن التلفزيون الصيني عن عملية السطو والانفجار وانهم لقو جثة مجهولة الهويه بالقرب من كيس كان ينوي القتيل سرقة البنك من خلال هالكيس وبعد ماجا البحث الجنائي وحلل الجثه المحترقه أتضح ان الجثه جثة شخص ماهي من أصول صينيهفي حين هالأحداث تدور في الصين كان الوضع في السعوديه يرثى له .. ابو سالم وأمه كل ليله وكل يوم يتوهمون في مناهم كلن يقول سالم جاني في الحلم يقول انه حي مامات .. وام سالم تقول اسمع صوت سالم في حلمي وهو يقول يمه انا بريئ والمجرمين هددووني .. ويقحص قلبها عليه وتقوم ولا تلقى سالم !!طق طق طق .... يابو سالم انت هنا ؟!!هلا ابو خالد يالله حيه اقلط !يابو سالم انا جايك وعندي لك اخبار ماهي زينه التلفزيون الصيني عرضو صورة شخص مجهول الهويه يقال انه من أصولعربيه وبعد مابحثو عنه اكتشفو انه شخص جا للصين قبل عشر سنوات من اخبار يقولونها في جرايدهم وأنت ولدك دورو عليه بالسعوديه كلها ولا لقوه والله اني هاقي انه ولدك سالم بس مادري وش اقول لك فتح ابو سالم التلفزيون وجلس يناظر في الاخبار لين طلعو خبر السطو المسلح وعرضو جثة القتيل وجلس يناظر فيها (ويقول في خاطره هذا هو هذا هو) ... لكن مانطق فيها لان شبه متأكد رجع لأم سالم وماقالها اي شي ومشّى الموضوع على انه توفى ومات ...!!في الصين آزمه ماليه كبيره من الفلوس المفقوده من خزينة البنك المركزي سوق الأسهم الصينيه توقف لمدة اسبوع كامل مع تكبد خساير ماليه كبيره..!!العصابه بعد ماحسو انهم راح ينكبون نكبه عظيمه عقب فضيحة البنك المركزي ودرو ان الشرطه ماراح يخلون العصابه في حالها اعلنو عدم تبني عملية السطو المسلح على البنك .. وطلعو صوره لسالم كانو ملتقطينها يوم كان يشرب في بارهم وأرسلوها لتلفزيون الصينيوقالو هذا هو الشخص الي كان ناوي يسرق البنك المركزي <--- ( يعني نكبو سالم في السرقه كلها ) بدأ التحقيق في عملية السرقه والعصابه طلعت من الموضوع مثل مايطلع المولد من الحمص < -- امثال مثل وجهي ماراح اقولها مره ثانيه انتم بس مشوها لي هالمره البحث الجنائي ارسلو جثة سالم للمختبر علشان يزيدون تحليل هالجثه ويتأكدون من تحليلاتهم أسأله كثيره في راس كلن منا هل هو سالم الي مات ؟؟؟ اذا ماهو سالم طيب وين راح سالم ؟؟موقف الشعب الصيني من الخبر عن الجائزه الماليه للي يصيد سالم ؟!!كل هالأسئله في الحلقه القادمه (3)بكين تعج بأحداث رهيبه مستمره عقب عملية السطو التي شلّت حركة نقل الأموال من الخزينه المركزيه ورجالات الجيش الصيني والمباحث والأستخبارات تنتظر نتائج التحليلات من مختبر البحث الجنائي غموض حول جثة الشخص المشتبه في أحداث عملية السطو على البنك / والأسأله تتوارد حول من هو صاحب الجثه كل الدلائل حتى الآن والأشاعات في شوارع بكين تقول انه سالم ذاك الشاب الذي اتى إلى الصين قبل عشر سنوات ولم يتم الكشف عن الهويه الى يومنا هذا ...في عصر يوم السبت وفي عطلة الصين الرسميه كان المذيع ينقل عمليات التحليل التي ترد من مختبرات المباحث المركزيه الشعب الصيني والحكومه الصينيه تنتظر الكشف عن جثة المجهول ... دقائق معدوده تفصلنا عن النتائج وفي حين الكل ينتظر ... ظهر المذيع ليؤكد ان الجثه ليست لها صلة بتاتا بصديقنا سالم .. حيث قال المتحدث الرسمي : بعد الكشف عن الجينات الوراثيه للجثه وبعد ما طابقناها مع جينات وراثيه اخرى اتضح ان صاحب الجثه رجل اعمال من العرق الهندي يدعى : راجو حسب الله كيف الحال ... وكان عميل لدى البنك المركزي وان ملف التحقيقات لازال مستمر حتى يتم القبض المتهم الأول .....أندهشت العصابه من نتائج التحليلات أمر رئيس العصابه أن يرسل افراد العصابه بالبحث عن سالم واحضاره وسوف يقتل جميع من يتستر عن سالم ..أنتشرت العصابه في انحاء شوارع بكين بحثأ عن الأهبل سالم ...سالم حي + تشيوانا رجعت لسالم عندما فجرت العصابه البنك بالّي فيه لقى سالم باب خلفي صغير كان يضعون النفايات فيه ويوم درى ان الوقت ضيّق مره ولا له غير يطب من هالباب الي هو بالدور الثاني اخذ الكيس الي مليان فلوس وطب من هالباب .. سالم ركب مع أقرب تكسي لقاه في الشارع وقال له أبعدني عن بكين بالي فيها انطلق التكسي ومايردك يالتكسي غير اقرب محافظه مجاوره للصين تدعى ( تشينو بتايا ) محافظه فقيره وأهلها ضاربهم السل والفقر !! قرر سالم انه يشتري له كوخ صغير ويسكن فيه .. و أستأجر له حلاق غيّر ملامح سالم من إلى <-- لدرجة ان ابوه لو شافه ماراح يصدق ان ذا سالم .. وأشترى هويه صينيه لشخص متوفى وغيّر صورته ..مرت الأيام ومرت الشهور والعصابه تبحث عن سالم .. والحكومه ماخلت ديره مافتشتها وسالم محد لقاه ..تشينو بتايا هالديره معروفه ان اكثر الناس الي فيها يتعاملون بالهروين والكوكايين ويهربونه عبر الحدود سالم مايبي تروح فلوسه بلوشي وقرر انه يدخل مع عصابات كبيره في بيع وترويج المخدرات وصارت سالم من أكبر البياعين لدرجة انه فتح شركة كبيره تحت مسمى وهمي الي هو بيع الحرير الصيني وهي بالأساس شركة تقوم اعمالها على بيع وتصدير المخدرات للدول المجاوره .!كبرت تجارة سالم وتبقط لين صار مايدري وين يودي فلوسه(( تبقط يعني فسق <- فسق يعني صار يبذخ بالفلوس ))حياته صارت شبه يومي تعاقدات مع رجالات عصابه ومخدرات وتهريب في ذاك اليوم صحى سالم من النوم ليتوجه لمكتبه في شركته الكبيره .. دخلت عليه سكرتيرته وقالت فيه عندنا جماعه اتصلو ودورو عليك يبون يسوون مع شركة صفقه وشافو شروطنا ووافقو عليهم والجماعه الحين ينتظرون براا أدخلهم ؟؟ قال لها أوكي واطلبي لي كوفي بالزنجبيل <-- مزاج لحجي فتحت السكرتيره الباب وأشرت بصبعها على الجماعه وقالت لهم تقدرون تدخلون ... ناظر سالم جهة الباب فجئه وفي حين اللقطه صارت بالحركه البطيئه ........دخلت تشيوانا <-!!!!تشيوانا ماغيرهاااا !!تشيوانا ماكانت تدري ان صاحب هالشركة هو سالم نفسه وسالم ماكان يدري عن الجماعه ولا يدري انه بيجي اليوم الي بتجي تشيوانا لعنده وتحت ايده !!ناظرت في سالم وقامت هي وسالم يتبادلون النظرات في حين محد منهم تكلم من قو الصدمه تشيوانا نطقة بكلمه وحدهسالم ؟!!!!وسالم نفس الشي (((تشيوانا؟!!!)))(( فاصل دعاية شاي ربيع ))//(( عدنا ))وجهه المخرج الكاميرا نحو الكنبه الي جالسين عليها سالم وتشيوانا سالم يحكي لتشيوانا الأحداث الي صارت له وتشيوانا تسمع وهي مصدومه من الكلام !!وقال لها اني ماكنت أدري انك جايبتني هنا علشان ادبر لك عملياتك ومخططاتك !! بررت تشيوانا لسالم موقفهاوقالت ان الي سمعه كله اشاعات وان عصابة الدم الأحمر تبي تشووه سمعت تشيوانا بالي هي به !! أقتنع سالم في كلامها وأتفقو على خطت التخلص من عصابة الدم الأحمر علشان تفك سالم من شرهم لأن هم يبون سالم بأي طريقه وسالم مافكه منهم غير الحراسات المشدده الي هو مسويها على نفسه ولا كان راح في خبر كان !! وقعت تشيوانا وسالم على ورقة صلح بين عصابة تشيوانا وشركة سالم بأنهم يحمون كل مصالح سالم من تجاره وأفلوسالبنكيه وصار سالم يدفع لعصابة تشيوانا ضريبه حمايه شخصيه كل ست شهور ..بعد أسبوع بدى فتيل حرب الشوارع بين العصابات الثلاث الي هي عصابة سالم وتشيوانا ضد عصابة الدم الأحمر وأنتصر سالم وتشيوانا على عصابة الدم الأحمر وأهزموهم اذل هزيمه وجاب لي واحد من عصابة سالم مقطع حصري يوم سالم ماسك رئيس عصابة الدم الأحمر في البار حقهم ودايس عليه بالجزمه!! وماسك سالم بيده خمس دولاراتويقول له هذا حق المشروب والطاوله ياحقير!!سالم أنشهر بعد ماهزم عصابتهم وصار معروف في الصين الشعبيه كلها والناس ماتسمع في سالم من زود شهرته لدرجة انه صار يداقش الرئيس الصيني في حكمه ويهدده عبر وسائل الأعلام في تصريحات خطيره منها انه ظهر على التلفزيون الصيني ويقول والله لأطيّر كريسك اذا شفتك مرسل جواسيس على شركتي!!سالم اصبح رجل خطير على الصين !! لم يعد ذاك الفتى السعودي الي حياته مقاهي شيشه وأنترنت !!وجود سالم في الصين اصبح خطر عليه !!رجوعه للسعوديه بات وشيك .. وعمليات نقل أمواله من البنوك الصينيه للبنك الأهلي التجاري <- مالت بدأت وتم نقل نص أمواله خلال الشهر الحالي !!(4)صاحب أكبر ثروه وتاجر السلاح والمخدرات الصيني من أصول سعوديه ( سالم ) ينقل جميع املاكه في انحاء الصين الشعبيه إلا بلده الأم ( السعوديه ) بعد ان شعر بالحنين للوطن !! انباء كثيره تتحدث عن نشوب خلافات بين افراد شركة سالمكو التي تعود املاكها لرجل الأعمال سالم بعد اعلان قراره بالأنتقال للعيش في السعوديه وزعزعه في اقتصاد بكين العاصمه وسوق الأوراق يعلن عن خسائر ماليه متوقعه في الربع الأخير من العام الجاري بسبب عملية نقل الأموال سالم اصبح تاجر كبير يسبب ازمات دوليه اذا انتقل من مكان للأخر ( والله اني وجه فقر اطلع من بيتنا وارجع ولحد درى عني )صعد على متن طائرته الخاصه ( ايرباص ) افخم انواع الطائرات التي يملكها سالم متوجهه الا السعوديه حامل معه راية التوحيد وانتصاراته العظيمه التي سجلت في تاريخه بعد خروجه آخر مره من بقعاع المملكه رجع سالم الا بلاده سالم غانم الا احضان امه التي تفاجئة بعودت ابنها بعد فقدانه من عدة سنين الأب ابو سالم ذبح في ذيك الليله خمس خرفان وقعودين وجمع اهالي الحاره واحتفل بأبنه الذي عاد اليه ...أتت مع سالم تشيوانا الصينيه ذات السحر والجمال والأناقه ليعرس بها في السعوديه ويكّون آسره جميله تمت مراسم الزواج في المقهى الشيشه الواقع على خط ابو حدريه لأن سالم حلف مايسوي عرسه الا في ذاك المقهى لانه اول مكان صادف تشيوانا فيه وانغرم في جمالها .... حضر العرس رئساء الدول والسفراء ورجال اعمال ولكن سالم خصص المقاعد الأولى من الحفل لدشير الحاره القدماء لانه يؤمن بالمثل الي يقول قديمك نديمكفي حين الصحافه والأذاعه التلفزيونات تعرض حفل الزفاف . . فوجيئ الحضور بأندلاع حريق شب في خيمة النسوان وسارع الدفاع المدني بأخماد الحريق وبعد التحري والبحث عن اسباب الحريق وجدوا ان ( مزنه بنت جغيمان ) بنت عم سالم طقتها الغيره وانجنت من الصينيه ام اعيون خطين رايح جاي تقول مابقى الا هالي نايمه وهي تمشي يعرس عليها سالم ويخليني <<< ----- سبحان الله مايخلون سوالفهم بنات السعوديه اجتمع الشمل اخيرا افراد اسرة سالم محتلفين به ولدت تشيوانا أول مولوده لسالم وكانت بنت عيونها حلوه كنها كيكهودك تاكلها سماها سالم بأسم غريب عند أهله ولكن حنا عارفين ليه سماها كذا لانه سماها ( بتايا ) نسبه للمحافظه الي هي طلّعت سالم من فقره وخلته تاجر كبير وهي نسبه لأسم المحافظه ( تشينو بتايا)

جدي الصبور .. وحكاية سالي

جدي رجل غزاه الشيب وأخذ حلاله وماتبقى في جسدة من قوّه وجبروت وعظمة ياست !! يناهز عمرة التسعين عاماً احياناً ينطح الصغير بالهروله وأحياناً مايمشي إلا بنتعه زي الهايلوكس الي كان يسوقها ايام شبابه وكان يسميها (عصيفيره) كنايه أنها كانت تسبق العصافير من سرعتها .. هوايته رعي أغنامه التي تشكل اكبر نسبة اغنام بالعالم بحيث ان موسوعة قنتس تزوره كل عام وتسجل رقم جديد لين زهقو وتوجهوا لحساب الضفادع في نهر الأمازون الي ماتجي نص عدد اغنامه .. همة الأول والأخير راحت الاغنام وتقديم الخدمة الذاتية لها حصل على براعة أختراع عندما قدم مشروعة ل/لجنة مدينة الملك عبدالعزيز وهو عبارة عن روبوت آلي مزود بساعة بيلوجية يستطيع حساب الوقت المتبقي لوجبة الأغنام ويقوم هو بوضع الشعير والجت في الوقت المناسب.. أدهش هذا الأختراع العالم الياباني (سازوكي ددسن غمارتين ) وأشهر أسلامه حينها ونطق الشهادة بمساعدة جدي لكن مامرت ساعتين رجع هذا العالم لدينه السابق (بوذي) لأن جدي حفظة الله طلبو منه ينطّق العالم الياباني الشهادة وحشره في زاوية القاعة كأنه جالس يطلّع جني من أدمي وتروع العالم من وحشية المسلمين وأعلن تمسكة للبوذية (( المشكلة إن جدي من الأحباب )) واصل جدي دراستة وخلص الكفائة في عمر متقدم حيث كان يدرس ليلي والي كان يدرسة تاريخ ولده (شاكر) وبالواسطات ولعنة الخير اخذ الشهادة وصار كل يومين يجمع العائلة ويسوي أنا الرجل الفاهم ويقول من أسباب سقوط الدولة الأموية أنهم ماكملو الكفائة !! جلس جدي لمدة عشرين عام وهو يجمع قطع غيار من الصناعية ويشتري التلفزيونات القديمة وكل ماشاف ريموت كنترول سرقه خلسه دون ان يشعر به احد ويدز لحضيرة الغنم إلى ساعة متأخره من الليل ويجلس هناك حتى يذن الفجر والناس تروح تصلي هو أستغفر الله تارك للصلاة يقفل الحضيرة ويروح يرقد لين أذان المغرب ويكمل برنامجة اليومي حتى جتني اللقافة وقلت لازم أضع حد لهذا الشايب جلست لمدة أسبوع أتبع أثره تاره في صناعية الدمام وتاره في تلك الحضيرة الي مايمديك تدخل الا بكمام وعدسات لاصقه لأنك يالله تشوف جدي من كثر الغنم الي فيها ومابين انا متنقل ومتابع لتحركات هذا العود كفشني وأنا مطلع راسي ورى حوض الماء وأراقبة بالبداية سوى نفسه مايشوف ويناظرني بطرف عين ويقول ياراكبن من عندنا فوق قم طس!! وأبتسمت أنا ورديت عليه // أحسن من قولة تقلع وفارق (( بيت الشعر الي حفظة لي وانا صغيروني )) وتلني مع رقبتي بسرعة مدهشة وحسيت أول مره أشوفه بقوه وصرامه ويهزني كأنه ماسك رقبت أرنب قال ماللذي أتى بك الى هنا <- نسيت اعلمكم جدي مايتكلم الا بالفصحى مايعترف بالكلام العامي ابد .. قلت له كنت أتبعك وأريد أشوف وش تسوي !! قال هل خلفك أحد ؟ قلت ايه ذيل اللقافة هههههههه وصفقني على حوض الماء قلت له ماخلفي أحد انا وحدي يبن الحلال! ناظر في الذيل وش طوله قال ماذا تحمل؟ قلت له ماذا شي ... قاال هااه ؟ قلت مامعي شي وأنا انتفض نفض ولا انتفاضة فلسطين يوم طلعوا اغنية الحلم العربي ومع النفضة طاح ريموت كنترول مني قال وشو ذا قلت له هدية جبتها لك لاني اشوفك تحب الريموتات وقلت عشاك اليوم على حسابي ( أحسب أنه ياكل الريموتات ) ناظر فيني وأبتسم وطلعت فوق راسة علامة فكره ومكتوب داخلها (( فاهمني ياخسيس )) المهم انه وخر يده وطحت على الأرض وعطاني ظهرة وقعد يسولف ويقول ياولدي الحياة تحتاح للصبر ....وصار يتفلسف ... زبدة الكلام اتفقنا انه يعلمني وش يسوي بشرط أعاونه واجمع له كل يوم ثلاثه ريموت كنترول زيادة بطارية مع واحد عصير أسلاك تلفون ؟؟ أستغربت من الشرط قلت له ليه تبي كل ذا ؟ قال ليس من شأنك ! أكسبت أور نت ؟ قلت له أكسبت أكسبت !! قال اجل امش وراي صفر تصفيرتين وخرت الغنم عن طريقة وانا امشي وراه بعدها وصل لفتحة في الأرض مسكرة بقطعة حديدية عليها قفل طلّع المفتاح وفتحها وناظرت لقيت سلم يوديك لسرداب ويمشي وهو يسولف عن تاريخالحضارة الرومانية !! وأنها انهارت برضو لأنهم ماكملو الكفائة هههههههه! وصلنا لأخر السرداب ولقيت سرير زي حق العمليات مغطى بشرشف أبيض وجنبه كرسي جلس جدي على الكرسي و وراه كَبت مرصوص كُتب انقليزية طلّع كتاب وجلس يقرى فيه قلت له وانا مندهشجدي تعرف انقليزي !!!؟ رفسني مع بطني وقال الأنسان مايتطور الا اذا عرف لغات العالم فتح الكتاب وجلس يقرى وانا منبطح على الارض ومندهش.. جلس شوي وبكى !! قلت وش فيك قال أكذب عليك ماعرف !! بس انا على يقين أن خلف هذا الكتاب معجزة علمية قلت له طيب تبيني اترجم لك أنا اعرف كم كلمة ناظر فيني قال صدقاً ؟ قلت اي والله من صدقي عطني أقراه ..عطاني الكتاب وقريت العنوان وبحركة غير مقصودة صفقته على بطنه بالكتاب قلت الحين مسوي في امها فيلسوف وبتحل شفرة ديفنشي وبالاخير تقرى كتاب ( كيف تعدين العشاء لزوجك ) وأنا أمشي وأخليه يوم وصلت لفتحت السرداب طرى على بالي اعرف وش الي مغطيهرجعت له قلت تبي توريني الي انت مغطيه ولا اعلم عليك ( سوالف بزران ) قال كلا كلا قلت اجل لاتجلس اتكل كلي افتح الغطاء قال أوعدني بإن ماتخبر احد قلت بأبي وأمي كلا أفشي السر لأحد أنبسط وفتح الغطاء وأناظر وألقى نعجة مفصخ ملابسها وفاتح بطنها نصين وأقرّب لمها واحط يدي عليها ويضربني! قال من غير تلميس قلت طيب ... قال هذي نعجتي (سالي)تعرضت لحادث دهس يوم كنت جاي من الخط العام ومانتبهت لها وهي أحب نعجاتي فجعت أثر وفاتها وأنا الحين أكرس كل جهدي علشان أشوفها تمشي قدامي قاطعته وقلت اغسسسل ايييدك قال أخرس ودعني اكمل كلامي قلت طيب قال أنا مؤمن بالله أني سأرها تمشي بطريقة أو اخرىقلت أشهد أنك مخرف ياجدوو اجل تبي ترجع لك؟ أفلقني! قال بفلق أبوك الي جابك وأحط رجلي جهة الفتحة وهو يحذفني بكتاب طبخ أنقليزي قال اوريك يالسلوقي الشرهه على الي يفشي لك سر قلت ههاي سلم لي على سالي!! ههههههههههههههههههه .مرت الأيام الين ماجاء اليوم الصباح وأنا توني واعي من النوم وأسأل امي عن جدي قالت عند غنمة قلت ماتدرين أجل قالت وشو ( ناوي يفضح جده ) قلت جدي يكذب عليكم .... مايمديني أكمل كلامي الا واسمع صوت صراخ ونناظر أنا وامي مع الدريشة ونلقى جدي بالشارع ويرقص قالت له امي انجنيت ياعمي قال (وجدتها وجدتها) مسوي نيوتن قالت وش الي وجدته قال تعالو كلكم الحضيرة حالاً..! نزلنا انا وامي وأتصلت على خويتها أم بدر امي لازم تعلم ام بدر كل شي يصير بالبيت حتى لو ابوي طلق امي تقول له عطني دقيقتين وتروح للتلفون وتعطيها خبر انها تطلقت المهم انها علمت ام بدر اننا رايحين للحضيرة واتصلت على ابوي في الدوام وخوالي وعماني وصلنا هناك ولقينا جدي مبسوووط حده ومستأجر كراسي حفل من محل تأجير خيام وكاميرات قناة الصحراء ترعى الحفل ... وبالنص منصه ومايكرفون جلسنا وجلست أم بدر جنبي قالت وش فيه قلت هااه مدري!! ... طقطق المكرفون جدي وطلع صوت صفاره عدل المكيرفون وقال ليدز أند جنتل مان وجلس يعلمهم الي قاله لي البارح كله وإنه اليوم الصباح دق سلف ماطور قلب (سالي) وصحت من غيبوبتها وأنبسط وقال كل شي فيها سليم عيبها الوحيد ان الشاصي منعوج شوي لكن لو تناظرها من الصدام للصدام ماتقول انها دخلت سمكرة ابد وقال ان سالي حالياً تتمتع بصحة جيدة لكن متخدرة من تأثير البنج نهاية كلامة جلس يهايط ويقول إن الأنسان اذا عرف قيمة الصبر قدر يحقق المستحيل وإن الدين وصانا بالصبر .....ألخ بنهاية الحفلة تجمعنا عليه وجلسنا نبارك له وهو انبسط من حميمية اللقاء يوم شاف عيالة والعائلة حوله ومن قو الخقة والفرحة بكى بكاء اليم وحلف انه يعشينا بمناسبة الجمعة الحلوه وطلق طلاق من جدتي انه يذبح سالي كرامة لنا

دفي دوف في سفينة الحرية

بما أن اغلب المواضيع يبدأها الكاتب ( في صباح أحدى الأيام ) فحبيت اغير وأقول في حدى القوايل من أيام خلت وولت وبعد الغداء تحديداً وصتني أمي أن أخذ احتياطاتي و اشتري الزبادي للعشاء لأن آخر قوطي زبادي هو الي اكلناه بالغدا وجلست احسب حساب المصروف ومن وين اشتريه توكلت على الله وشغلت تكسي جدي ورحت ابحث عن الرزق أتجهت صوب المطار واتصلت على ( ك.م صابر ) وهو صديقي في المهنة وقلت له يحجز لي ثنين راكب مع واحد شنطة زيادة ملابس! قفلت الجوال ووصلت للمطار لكن للأسف مافيه ركاب جلست انتظر وأنتظر ولاحولك احد مافيه غير شخص ملامحة حزينة وجالس في آخر المطار وشكله شكل الي متردديركب تكسي ولالا !!يعني قردنه خفيفه يوافق! اتجهت له وسألته اذا كان يبي تكسي واكتشفت أن هالشخص( مصري الجنسية ) والخطوط ضحكوا عليه بدال لايودونه مصر نزلوه في السعودية تركته وفي حين أنا معطيه ظهري أسمع صوت دقة حزينه في كل أرجاء المطار وأشوف واحد من موظفين المطار يركض متجه صوب انوار الأضائه ويطمر على لوحة تحكم الأنوار وطفاها وخبى جسمه ورى الطاولات وراسه الي طالع ويناظر فيني!! وتظلم الدنيا بوجهي ويرفع مدير المطار! صوت الدقة الحزينة والعالم من حولي يناظروني ويقولون بصوت واطي (وااافق وااافق وااافق ...) ألتفت ورى ولقيت المصري مدنق راسه ورجعت له أمشي ببطء وبعدين أسرع بعدين أسرع بعدها ركض سريع وأخم شنطته على صدري ويقومون يولعون الأنوار والجماهير تصفق وتحييني ويتغير صوت الدقه بدال حزينه لرومنسية والمخرج يخلي الكاميرا تدور حواليني انا والشنطه وتبدا اتناثر قلوب حب وأزهار نرجس وفرجس وكرفس وأتجهنا بعد الحفلة الي صارت فالمطار للتكسي وأتشاور أنا وياه على السعر ومابين مكاسر وأنا أحاول اني اسرقه وهو كذلك اتفقنا على سعر كويس بس بشرط أني اوديه لين ديرته الي هي كفر العمدة قلت له بصووت عالي تم!! ( مشكلة الي مافي جيبه شي ينحد على اقصاه ويوافق بسرعه )طلعنا على خط الرياض ومن الرياض للقصيم وحايل ومنها لتبوك ووينك ياميناء الوجه وأحجز له سفينه تودينا لمصر وقالوا اليومين هذي مافيه سفن أبد لان ملوحة المياه أعلى بينتظرون لين تنزل قلت لهم مازحاً شرايكم أذوب اصبعي في البحر مادريت إلا سمك قرش طلع من البحر وعض مؤخرتي عضه بنت كلب ورجع يعوم في البحر من جديد وأرفع سروالي كأن ماجاني شي أبد قلت للمصري مالنا الا ننتظر جلسنا على الشاطي وفي آخر الليل مرت من عندنا سفينه وأشرنالها وصفطو عندنا قلت للسواق وين يابوو؟ قال بنروح لغزة ! وبصراحة ماعرفت وين غزة قلت غزة قريبه من مصر؟ قال ايه مابينهم غير معبر رفح ! قلت حلو ناديت المصري وركبنا على السفينه الي فيها جنسيات العالم كلهم هنود وبنقالية واتراك وأشكال حمر وصفر وأنا الوحيد الي لوني أشهب بينهم كانت الساعه 2 بالليل وانا تعبان من الخط دخلت غرفة وحطيت راسي والنومه هي النومه مادريت الا وانا واعي بنفس الوقت أناظر ساعتي القاها 2:2 العن ام الغبنه شبعان نوم وراقد طول هالرقده وآخر شي مدت نومي دقيقتين قلت في خاطري هذي نومة البحر تشبعك مايحتاج طلعت لقبة السفينه وجلست اتمغط حول ساعتين وأصيح بأعلى صوتي يابصطاويسي ههههههههه اقصد المصري الي معي لأن ماعرف اسمه لكن اكيد حدى جدانه أسمه بصطاويسي والمشكلة انه مارد علي قلت خلني انزل ادوره داخل السفينه نزلت وأنا امشي أحس ان أرضية السفينه فيها شي غلط وماهي مستويه كملت طريقي وأناظر على جدران السفينه وألقى اللوحات الزيتيه مرسومه بشكل غلط تحس الرسمه حلوه لكن مخربها الفنان الي رسمها ان اخر شي يجلس يكب عليها صبغ أحمر وأقول في خاطري لحجي ومخيس والشرهه على الي سماه فنااان أصلن !! المهم اني جلست ادور المصري في كل الغرف ومالقيته وأستغربت أن السفينه ماحولك أحد لاناس ولازحمة ولاجنسيات مختلفه وأنا الوحيد الي لونه أشهب <--- متعقد من لونه فجئة وأسمع صوت واحد يشاهق وأجلس اتبع الصوت واتبع الصوت لين وصلت لغرفة مطرف بابها دفيت الباب بصابع رجلي وأنا معطي الباب ظهري ومستعد للنحشه لاني قامط ! إلا لقيت واحد مصوب بطلق ناري وجالس ينزف وأقرب منه ويقوم يخمني ويقول اليهود عيال كلب اليهود عيال كلب !! وماااات !حطيت ايدي على عيونه وترحمت عليه واقول في خاطري هذي نهاية السكران اذا تابع قناة العربية المهم انه مات والله يسكنه الجنه طلعت من الغرفه وانا مدنق راسي وأحاول اني استغفر ربي على الأيام الي شربت فيها خمر فجئة وأنا مدنق راسي وأشوف الجثث من يمين ويسار وبينهم خطوات رجلي وانا ادعس عليها يوم كنت اتبع صوت الي يشاهق أنفضخ قلبي وشوف بصطاويسي ميت ومن بين عيونه دعسة رجلي وتجيني حالة هستيريه واقوم أركض جهة قبة السفينه واناظر ولقى السفينه واقفه على شاطي وفيه مبنى بعيد عليه علم أسرائيل !!! هنا انا اصبت بدوخة زي دوخة الحوامل وأجلس اطرش حول نص ساعه وأنزل من السفينه واطيح ويصفق وجهي على التراب أبي اعرف أنا وين ومن الي ذبح بصطاويسي فجئة جا واحد أجنبي يمسكني بيدي ويقومني وينظف معي التراب من جسمي وراح وخلاني وهو رايح يبتسم لي ويقول ولكم أن أزراييل ... حطيت يدي على مخباتي وطلعت جوالي ابي اتصل على اي شخص ولقيت فيه رسايل بالبريد الوارد فتحت عليها اول رساله من قروب المساطيل يشكروني على تجديد الأشتراك فتحت على الثانيه ولقيت خبر من قروب الحارة إن أسرائيل أعتقلت سفينة الحرية الي كانوا ركابها متجهين لغزة !! تونانييت <- صوت بطارية الجوال بيطفي و الوضع في غزة أشبه بالدمار الشامل الجنود الأسرائيلين يدورونعلى اي شخص نجى من السفينة وأنا أقلب راسي مادري وين أولي الساعه كانت 30 :2 والكهرباء على غزةطافية من ثلاث أيام لو ماهي طافية كان شافوا صماخي وأنا منحاش لكن الحمدلله أنها ظلمة ومغطي راسي بجريدةمشيت على الطريق السريع الي يودي لتل أبيب أذا جاء النهار حفرت حفرة وغطيت جسمي كله وطلعت راسي واذا جاء الليل طلعت من الحفرة وكملت المسير بعد ثلاث أيام وأنا امشي داخل أسرائيل وصلت لمدينة رام اللهالمحتلة دخلت المدينة وأزبن في محل باروكات شريت زلوف وطاقية كاوبوي طلعت من المحل وأنا لابس الزلوف والطاقيةوكل من يناظر فيني يبتسم لي أخذت تاكسي وقلت له لاتوقف إلا عند السفارة السعودية ناظر فيني راعي التاكسيوشكلة شكل الي يقول وين أنت ضايع يابو زلف ؟! دريت أني جبت العيد قلت له وأنا اسوي امزح لا لا العربذولي يبي من يفجرهم هههههههه قال وين تبي طيب !! قلت له ودني سفارة أسرائيل يعني بكحلها رد على وهومعصب قال ياخاعام أنت زاحف وأنا راعي تكسي أدور رزقي أخلص على وخل عنك الهستره قلت أسمعانا أبي شقق مفروشة لأني دايخ وأبي أرقد دق موتره سلف وصفط في فندق هولتن تل أبيب نزلت من السيارةورحت أحجز لي غرفة طلب مني الأستقبال هويتي وتجيني النفاضه تمشي مليون قلت له يووه نسيتها في السيارةبروح اجيبها ولايردني غير الشارع وقفت في نص الشارع ولا أدري وين أنا رايح ناظرت يمين ولقيت محلكازينو وقلت في خاطري ياولد أمر الله من سعه رح أخذ لك كاسين على السريع وصحصح مزاجك دخلتوطلبت جركل شراب أبي أفقد ويسجنوني ماعندي مشكلة وفي حين أنا في نص الفقدة لقيت ناس مجتمعينعلى طاولة وكل شوي يفوز واحد منهم ياخذ فلوسه ويطلع قربت من الطاولة ومدت لي القرسونة كورتين مربعتينقالت يالله جرب حظك وأنا زي الأبله مادري وش السالفه حذفت الكورتين على الطاولة وبالصورة البطيئةمسكت الكورتين في يدي وأرفع يدي لين تساوت مع الثريه ونزلت بشويش لين مريت من وجيه الي كانوا يناظرون واحد مسكر عينه مايبي يشوف ووحده حاضنه حبيبها وكأنها تهمس بأذنه ( اذا فاز علمني ) وتنزل يدي لين بسطتها ورميت الكورتين على الطاولة وصارت تدور ببطء على الطاولة بعدها وقفت الكورتين !!!وصاااااحوو الي حولي كلهم ويقومون يخموني ويرفعوني فوق وأروح أنا أستلم شنطة مليانه قرووش بلاستك وتجي وحدة معاي توديني لتبديل القروش وأخذت الشنطه من عندي وعطتني شنطة ثانيه أثقل منها !! أخذتها وطلعت برا الشارع وفتحتها ولقيت فلووس تدفن فقر أبوي وجدي ... سكرتها بسرعه ورجعت للفندق عطيت حق الأستقبال بخشيش وقلت له ترقدني ولالا؟؟ قال خذ ذا مفتاح شقتيفي وسط البلد أرقد لين تقول آمين وأنا وياك الحين أصدقاء صح ؟ وأقول في خاطري تعقب يابن الكلبقبل شوي ماعطيتني غرفة ويوم شفت الفلوس عطيتني شقتك ! قلت له ايه صح أصلن أنا أبوك <-- النيه وصخة رحت لشقتة وأنبطحت على السرير وأنا ميت من التعب وحاضن شنطت الفلوس ورابطها برجلينمت وأسمع صوت انفجار بالشقه الي جنبي وبنفس الوقت رمي رصاص ويجي واحد قريب منيويقول لخويه الي معاه (كل هيم كل هيم) وأطمر جهت الباب أدور النحشه ويوم فتحت عيوني طلع الصوتذا كله من التلفزيون طفيته ورجعت أنام مره ثانية وأنا نايم سمعت صوت واحد فتح الباب وخطوات رجلهقربت مني!! طلّعت رجلي من تحت الفراش جهت التلفزيون مصعت السلك من الفيش ودخلّت رجلي مره ثانيةونمت على بطني مادريت الا الي جاء من وراي وحسيت بدفء وحنان وأنا ساكت وأسوي نفسي ميت( مشاهد محذوفة ) جاء الصباح وأقوم أتمغط والتفت جنبي لقيت بنت نايمة عندي تركتها وهي نايمة واخذتشنطتي وأتجهة صوب الباب فتحتة لقيت راعي الفندق قدامي قال هااي كيف نومة البارح ؟ قلت هااه زينة بتعئد!!ويروح يفتح التلفزيون ورحت انا للسرير غطيت البنت بالفراش وجلست فوقها قال سمعت قصة سفينة الحريةقلت ايه سمعتها قال ياشيخ ذولي ناس فاضين وجلس يسولف وأنا فيني الراعة خفت يدري وش الفضيحة الي سويتها البارح قال تدري لما أسرائيل تفرض حصار على غزة تقوم الدنيا وتقعد قلت له ماهو بس غزة لو تدريأنت وش سويت انا البارح بتقوم الدنيا ولا راح تقعد قال يعني كيف ؟؟ قلت له هاااه لا بس انا البارح ربحتفي الكازينو وقال مبرووك قلت الله يبارك فيك وسكت أنا وسكت هو وتكلمت بنت الكلب الي تحتي قالوش هالصوت قلت له مافي شي بس أنا البارح تعشيت روبيان وبطني صار يطّلع أصوات قال أها خليني أنزل أجيب لك بيرة وأجي قلت ايه رح !! طلع وجلست أصحي الي نايمة ماخذيت الا وهو راجع يبي يسألني وش نتغدى اليوم طالع فيني وأنا جالس على السرير وناظر تحت شافني وانا جالس ورجل طالعه من النصقال من رجله ذي قلت له أنا معوق عندي ثلاث رجول <--- ماعاد يمدي ترقيع طلعت البنت ذي حبيبته وقام بكس بيني وبينه وبفضل من الله صفقته وربطته هو وياها على السرير قالبعد ماخليتك ترقد بشقتي تخونني مع حبيبتي وتغدر بي قلت يارجال انت يهودي واذا ماغدرت فيك بتغدر فينييوم من الأيام قال ماعليه بيجي اليوم الي انتقم منك يا .... وعطيته كف قبل مايكمل كلامة ..! طلعت من الشقةونزلت بالشارع ورحت صوب الضفة الغربية أمهد علشان أرجع للسعودية .وصلت لحدود أسرائيل مع الضفة الغربيةلقيت الجدار العازل الي أسمعه بنشرة الأخبار جلست ادور لي باب أطلع من عنده ولا لقيت شوي وتجينيدورية أسرائلية طلعّت قلم من مخباتي وجلست أرسم على الجدار نزل عسكري قال وش تسوي هناقلت أبد جالس أفجر مواهبي قال اهاا طيب لاعاد تفجر مواهبك الله يحيك هنا رح فجرها في بيتكم قلت له طيبوأنا رايح ناداني وطلب مني الهوية قلت له انا قاصر أبوي ماطلع لي بطاقة أحوال ناظر فيني ودرى اني كذوبركبني الجيب وراح للشرطة حققوا معاي وعرفوا أني سعودي وجابوا صورة جوازي الي لقوها في السفينهوعرفوا اني كنت مع سفينة الحرية أرسلوني للأستخبارات وجلسو يعذبوني ثلاث ايام وماعترفت بشي وقلت لهم أني كنت رايح مصر وماكنت أبي غزة !! مالقوا علي درب وماعترفت لهم بأي شي ثانيومافاد التعذيب حكموا علي بالسجن شهرين مع الأعمال الشاقة أرسلوني للسجن ومر على سجني أربع أياموأنا بالسجن جابوا مجرم محكوم عليه قصاص وحطوه بنفس الزنزانة الي أنا فيها جلس معي قلت له وش قضيتكقال فاتح مطعم وطفرت مامعي فلوس أشتري لحم قلت له طيب !! قال الزبائن كانوا واجد ومابي أخسرذبحت أبوي لهم وقطعته أوصال وشيش طاووق !! قال وأنت وش قضيتك ؟ قلت له تهريب مخدرات + ذابح رئيسالعصابة + مهجد عيال المدرسة (( فيس مطلع عضلاته وقامط بنفس الوقت )) قال حلو وش أسمك قلت له القاتل المأجور <---- أسم فلم مو أدمي حس بعدها أني قوي وصرنا أصدقاء اليوم الثاني صحيت ولقيت خوييالقوي يلعب حديد في الساحة جبت سجاده ومعاي معجون أسنان وأنبطحت عنده وجلست ادهن جسمي بالمعجونوأتشمس قال وش تسوي قلت له زهقت من لون بشرتي وجالس أتشمس قال طيب أنا في بالي موضوع بكلمك فيهقلت له وشو ؟ قال انا البارح أفكر فيك قبل أنام وحسيت أنك بتساعدني تكفى قل تم ؟! قلت له تم بس بوشو أساعدكقال أنا من زمان أدور قاتل مأجور علشان يذبح شريكي في المطعم دايم يهددني بالديون وكل يوم يطلع السكين ويحدهاقدامي يعني تراني بذبحك إن ماجبت دراهمي وأنا ماني قامط منه بس العالم لو يموت هالشخص بيدرون أني ذابحةوأنت واحد غريب محد راح يشك فيك أبي اذا طلعت من السجن تذبحة وأنا الحين بيعدموني وأن مت بتصير الديون كلها على ظهر بنتي الوحيدة الي مالي غيرها وإن ذبحته أعطيك كل ما أملك وأزوجك بنتي وش قلت ؟قلت موافق بس أنا باقي على حكمي ! قال أنا أطلعك .. قلت كيف ؟! مسك عصا طايحة وصفقني على وجهيماوعيت إلا وأنا بالمستشفى ناظرت يمين ويسار لقيت لقيت مغذي محطوط في يدي مصعته وطلعت برا الغرفة لقيت عسكري واقف برا مريت من عنده وقال وين رايح قلت له ياخي مستشفى مافيه حمام مثل الناس قال وش السالفه قلت بروح أشوف الحمام الي هناك حمام غرفتي منفجر مرحاضة قال رح وتعال بسرعة قلت وين أروح يعني بنحاش طيب بجيمشيت لين وصلت الدرج وحط رجلك يابودوف للشارع حطيت يدي على مخباتي ولقيت ورقة مكتوب فيهاعنوان الشخص الي بذبحة مشيت لين وصلت للعنوان ناظرت في رقم الشقة لقيتها نفس رقم شقة راعي الأستقبالبالفندق دخلت الشقة وطمرت طمرت الأسد المفترس عليه وهو يناظر بالتلفزيون الي مصعته برجلي وانا نايم ذاك اليوم خنقته لين مات فجئة فتح الباب ودخلت حبيبته ومعاها أغراض جايبتها من البقالة طيحت الكيس وسكرت البابوجتني تركض وتضمني وأنا ادفها قالت ذبحته ؟! قلت لا جالس أدغدغة ايه ذبحته وبذبحك انتي وراه قالتأنا اصلن ابي أحد يذبحة ذا مهدد أبوي ومهددني انا ولاعب في حياتنا قلت ليه وش دخلك انتي وأبوكقالت هو شريك أبوي في مطعم ويطلب أبوي دراهم قلت أبوك المجرم الي بالسجن قالت ايه انت تعرفة ؟ قلت هو أستأجرني علشان أذبحة ووعدني أخذك زوجة لي قالت أنا من الآن لك يانظر عيني هههههههههههه .أبشركم اني تزوجت البنت وصار عندي نفوذ في أسرائيل وتاجر وأملك نص عماير تل أبيب جهة الكورنيشوالرجل المهم في الدولة وكل هالفلوس والتجارة من الكازينو وترشحت للمجلس البلدي وفزت بأكثر عددمن الاصوات وكلهم مايعرفوني بس بخششتهم وصوتوا لي والحين عضو في المجلس اليهودي وكل يوم أطلع بالتلفزيونوأوجة كلام لرئيس الوزراء التركي أوردغان وأطالبة بأرسال سفن لأسرائيل وأهم شي تمر على ميناء الوجه فيتبوك يمكن على الله يركب سعودي عاطل عن العمل ويرزقة الله في أسرائيل ويمسك منصب حكومي مثلي .