روتين .. واحد ..!!

.

روتين واحد ماتغييره الآيام !

دمعة حزن وهموم قلب .. وزقارة

صرنا مثل ربع ٍ لهم خمسة أعوام.

كلن عقب يومين يمسك ... آمارة

أدلالنا شحت .. تورد لنا  آحلام 

وآحلامنا .. تقصر عن أطول عمارة !!

صوتية : 

http://www.4shared.com/audio/0g5qXyLa/_a7medal3bdali.html

.




تم أفتتاح قناتي الشخصية في اليوتيوب



http://www.youtube.com/user/al3bdaali









.

.





لايضيّق خاطرك كثر الخصام!
كل هم أنتي تشوفينه يزول ... 

http://www.4shared.com/audio/MhWZToHH/___.html






أحمد العبدلي ... 

لا يصوم الشعر ..!

http://www.4shared.com/audio/QnKLSTwq/___.html






..

أبيات بمناسبة تخرج الطلبة ...

يامرتع الذكرى وأقصى حنيني ..!!

.

|        (خــيـطــان)         |






كلمات الشاعرة / مهابه       
ألقائي / أحمد العبدلي          

الله لايبليني في مره تصيح زيها :(

هذي لو هي زوجتي وجلست تصيح زي كذا
أتصل على الشرطة وامن الطرق هههههههههههههههههههههههههههههههههههه

.

الغيره .. بين الأكبر وال(ورع) ..!

أنا وأخوي الكبير ... محمد

كان أخي الذي يكبرني سنه واحده فقط . (أنجس أعدائي على الأطلاق) بل كنت أحاول وأنا في الصف الأول المتوسط الذهاب للمطبخ وأحضار السكين لذبحة وتقطيع لحمه وليكن عبرة لغيرة الذين يحاولون مغايضتي بحديثهم أو تصرفاتهم نعم أنا أحمد صاحب القلب الطيب ! ولكن للصبر حدود .. عدد شمعاتي الميلادية 6 وكان هو 7 إي أني (الأصغر) أذكر أنه قال لي أنت لست رجلاً!! فالرجال هم من يذهبون للمدرسة..!
وأنت لست رجلاً لأنك لم تدرس و ستبقى صغيراً طفلاً وفي رواية أخرى وذات شناعة (ورعاً) وهي ماتسبب لي فتور بكريات الدم الغاضبة والمحرضة على أرتكاب جريمة به . مرت الأيام وأنا أسأل ابي متى سأطلب العلم ؟ ويجيبني في السنه القادمة وتمر الصيفية أشبه بعجلة مركبة قديمة ينادي صاحبها المارين بالطريق كي (يدفوها) متثاقل كل كلمة تأتيني من اخي (محمد) وبعد مرور الأيام ذهبت لمحل التصوير لأخذ صورة شخصية لي وأضافتها في ملف (علاقي أخضر) وتسجيل دخولي للمدرسة كنت عكس قراني الذين في سني فهم يبكون وأنا (مبسوط) وهم ينادون أبائهم من شدة الخوف وأنا اودع أبي
وأوعده أني لن أبكي ولن أخاف ! أسئل المدرس كم الساعة ومتى ينقضي هذا اليوم وكأني مستعجل للذهاب للبيت وبعد أنصرافي من المدرسة ركضت ركضاً أسبق الريح لأصل للبيت وأخبر محمد اني رجل (غصب عنك) ولكن كان عكس ماتوقعت وضحك على تصرفي وقال سأخبرك شيئاً لن تكون رجلاً حتى تقضي السنة الأولى لأنها مرحلة تعليم الطفل كيف يصبح رجلاً ويتخطى المراحل القادمة . أكذب إن قلت لكم (مابكيت)!! أصبح حال محمد هكذا كل ما انقضت مرحلة أجدني متفوق دراسياً ليس للتعلم بل (لأكسر خشمه) وأخبره أني رجل ولست طفلاً حتى أنتهيت من دراسة الأبتدائية والكفائة والثانوي وكبرنا .. وأصبح محمد يتجاوز مرحلة الكره والبغض لمرحلة الحب والعشق الأخوي!!
ذهب ليدرس بالخارج وأتصلت علية قبل يومين لأسألة هل الرجل من يدرس بالخارج ؟ أم ليست لحكايات الطفولة إي معنى : )



*عندما يكون الأبن الأصغر محبب عند أمه وأبوه يغار الكبير ويتسبب في فوضى كبيرة ليلفت أنظار الأبوين له وإن لم يستطع أخذ بالثأر من اخوه الصغير .
*حتى التربية السليمة لم تساعد في حل الغيرة الحاصلة بين الأكبر والأصغر (مجربة) .
*تنتشر هناك حكايات وقصص لمجرمين لايتعدون الخامسة عمراً يحاولون أسترداد الحب المسلوب منه .

خذ وخل ... استراحة محارب ..!

حدث ولا حرج



بعض الناس قمة في الذوق والأحترام والتفاني ( لكن )! ... بعد ان نشبعهم بالمديح جداً

بعض الممثلين أمتهنوا الكذب حتى خارج حدود الشاشة .. وبعض المغنيّين غنوا عن كل شي ولم يبقى شي ! الا زنقه زنقه ( فغنوا عليها )

بعض الطرقات لاتؤدي الى روما .. بل تؤدي ( لتحويلة ) : مسيك بالخير يابوحدرية

كلمة بعض! لاتشمل الجميع .. / لكنها تشمل الجميع!

الرياضة لاتحرك الدورة الدموية ( جمعية البحوث الاستراتيجية ) تقول ان الدورة الدموية يحركها / العطس / الخجل / والضحك المفرط (ولكن الاخير يبدد الدماء)

إن لاتجامل ليس بأن تكون ( شخص بشع ) بل تفرض المحبة على ماتقول .. ك/ يانظر عيني و فديت قلبك و يازينك!

يقول الباحث في الشؤون الزراعية .. المطر يكفي لوقف الجفاف عن الارض ولكنه يغرقها أيظاً >.... أيضاً ...> ... سأرجع لها حينما أفرغ!

إذا ماتقيد الرجل بواجباتة تجاة زوجتة فأنها ستشارك في ثورة قيادة المرأة .. أنتبه < طراه منال الشريف


أن تخون المرأة زوجها مع رجل غريب .. ربما لأنه ( أجمل ) منه .. لكن بأن تعشق ركوب سيارته هذا اشد واقسى!! ... إلا إن كان جيب تويوتا قصة لكزس


صديقي المقرب وأنا أعرفه تمام المعرفة أقسم لي أن (زوجته وسيارتة) أختفيا من المنزل وآخر مره شاهد فيها السيارة وزوجتة (ملتصقان في الكراج!)

أدعت أمريكا أن العرب (يهضمون) حقوق المرأة .. ( فتضايق الرجل السعودي من التصريح) فرد عليهم الشيخ الفاضل وقال بأن المسلمين يثبتون مكانتها ويخدمونها ( فتضايق الرجل السعودي) << وش تبي يالرجل السعودي بالضبط؟


ماعلاقة الشبه بين البدو والحضر؟ والسنة والشيعة؟ والنصر والهلال؟ والنار والماء؟ والبرقع والنقاب؟ وعباية الكتف والراس.......ألخ ؟


يقول دكتوري النفساني وانا مستلقي على السرير ... حاول أن تسترجع ذكريات الطفولة! ولم أفق حتى يومنا هذا من الذكريات ..


حادث عارض وقع على عارضة الأزياء الاسترالية تسبب في نقص الخصر الايمن (خمسه سانتي) فتحطم المصمم الذي يعتمد على عرضها .. وحينما أجهده التفكير صنع موديلاً جديداً أصبح موضة لاحقاً ..( بيوصل الموديل قريباً في الأسواق )


ذاك المشهور .. ولد وحيداً وعاش وحيداً ومات وحيداً .. إذن الآن كلنا محاطون به ..


نحن العرب لانمجّد أصحاب العقول إلا حينما يموتون .. وفي حياتهم نعلن حربنا عليهم .. إذا لم يتعوذوا العرب من أبليس .. سأدون لكم أسماءاً لأساطير بيننا يستحقون التمجيد .



هذا الموضوع ليس مستهلك بل جديد .. أسأل سهران! ولاتسأل قوقل ..

المستحيلة ...!!

وش ضر .. مسمار ٍ دعسته (تريله)

لا هز تيدرها .. ولا طاحت أحمول

تصبر .. مدام البنشري شد حيله

الشق يرقع .. والمصايب لها أحلول

يوزراتي في المنتديات الي أشارك

فيها حالياً ....

.

.

دفي دوف .. منتدى الأقلاع ..

أحــمــد .. منتدى كواليس ..

أحــمــد .. حارة المساطيل ..

ماجد عبدالله ...

كلمات الكاتبة / أنديرا غاندي
القائي أنا / أحمد العبدلي
أخراج المبدع / عبدالله البديري 

حلا ترك من بحرييييين

حبني أو حب غيررري
صرت في عمري خيال
قانعه !! وأعرف مصيري
مالي بقلبك مجاااال
كاذب انتا او صريح
مايصح الا الصحييح

رحلتي الى ( قم ) رواية من الأدب الفارسي

ك .. روتيني الحاصل بشكل يومي .. أروح الدوام أشيك على إيميلاتي العملية لا أجد سوى تلك الرسائل الفاضحة والبنات العاريات التي يبعثها زملائي الدشير كتخفيف من ضغوط العمل << المشكلة مافيه عمل نص الموظفين مسجلين في مواقع البلوت المنتشره ويتباشرون بنقاطهم في موقع البلياردو (( أسف ياوطني شعبك نو قود نوقود ))

كرهت نفسي ياجماعة أسأل الله حسن الخاتمة ودوام النعم ونعمة وجود أيران !! أيران تلك الدولة التي (قردني) صديقي من مدينة القطيف بالذهاب لها في البداية لم أقتنع اني راح انبسط فيها لكن بعد محاولات ورسم في عقلي الباطن صورة جميلة عن تلك البلاد ذات الأنهار والجبال والخضرة والفواكة و الأندومي وبيض عيون << الكاتب في حالة جوع ض1

قررت وعزمّت أني اربط الكرشة وأشد حزامي ..

حجزت التذاكر ومعاي خارطة طريق لرحلتي

عطانيها صديقي تشمل الفنادق والرحلات والسياحة في أيران

وصلت المطار ورحت الفندق وبعد توظيب الشنط اخذت لي قيلوله على ذاك السرير البارد من جانبين وحار من جهة جبهتي

وانا منبطح على بطني وأحاول اني اقرب راسي جهة الاماكن الباردة حتى غافلني النوم وغصت في رياض من أحلامي الجميلة غير مبالي بوقت او زمن معين ارقد ومن اصبح أفلح ..!

ضرب الباب وقمت فتحته لقيت ذاك الوجة البشوش الي يرحب فيني بلغة عربية خايسة .. فهمت انه هالشخص موصيه خويي الي بالقطيف فيني قلت له اشكرك على حسن وجهك أتمنى اني اجوب شوارع ايران ولا أخلي شي في نفسي قال بأسلوب خايس برضو ( خبشور خبشور ) يعني تم تم ..

تمشيت في أسواق ايران الشعبية وشريت هدايا ..اخذت كمية كبيره من الزعفران الايراني ولاخليت لهم شي لدرجة

انهم عرضو علي قيمة اكثرعلشان ابيع لهم وطلعت من السوق وانا معاي دبل دراهمي الي معاي قبل أدخل ض1

وصلنا بالنهاية لمدينة ساحره مليئة بالمساجد ذات الانوار..

المرصعة جدرانها وابوابها بالذهب قراط 25 النادر

الي لو تبيعه يعطونك فوق البيعة مدينة الصومال ومدغشقر فوق البيعه ض1 ...

امرت السواق بالوقوف للصلاة في المسجد رفض ؟؟! سألته ممنوع أصلي مثلا؟ قال لا بس هالاماكن خاصة بناس وانت منت ضمن هالناس الييحق لهم الدخول فيها .. اجبرته على الوقوف وقال اوك بس شرط ماتقول لاحد اني انا الي جبتك هنا ؟ استغربت وقلت له خبشور خبشور !نزلت وأتجهت صوب المأذنه بكل جرئة ! وأذنت وأقمت الصلاة وتجمهرو المصلين من حولي يناظرون فيني وانا اصلي بكل فخر واحس اني حبتييييييييين ض1

سلمت وديورت لهم والقيت عليهم كم حديث وكم آيه وصارو آليفين جداً معاي

واشوف ثنين بالصف الثالث يكتبون أسألة بورقة قلت أخيراً صرت مثل محمد العريفي

وصلت بعض الأوراق عندي وقام واحد منهم يترجم الأسأله بالعربي وبفضل من الله جابهتهم وكل ماطلبو مني دليل قريت عليهم المعوذات ض1 ياشين الواحد اذا حس انه داج ....

بعدها ختمت كلامي عليهم وقامو سلمو علي وطمر واحد منهم اخذني على جنب وبيده مفتاح قلت وش ذا ؟ قال هذا مفتاح مجلسك .. حنا عندنا مجالس خاصه بالعلماء يزورونهم طلبت العلم لتوضيح بعض المسائل قلت بس يابعدي انا ماني بعالم دين قال استغفر الله استغفر الله وعطانيبوسه مع يدي حسيت اني آنسه ض1 .. ومشى اخذت المفتاح ورحت فندقي وانا افكر بالموضوع .. قلت ياولد اطنش ؟!! ولا اكمل الي انا مشيت عليه ؟؟

قررت اني انام واصحى بكره بدري وافتح مجلسي وجوني ولله الحمد كمية كبيره من طلاب العلم . .

وأبو الحبيب محاتسيكم جمبه مطارة شاهي ويفتي على الرايح والي جاي اليين جاني سؤال لخبط ابومزاجي

بصقت على الي سأل وطردتهم برا فتحت ورقة السؤال مره ثانيه .. وجلست اقرى ولافهمت شي كان السؤال عن ولاية الفقيه وهل هو مشروع ديني ولا سياسي

أرسلت سواقي الخاص لمكتبت قم يشتري كل كتاب فيه كلمة ولاية الفقيه .. اكتشفت سر عظيم أغلب الناس البسطاء في أيران مادرو عنه .. بعد بحثيوالتدقيق في مراجعهم تحسفت على الوقت الي قضيته وانا افتي لهم عن الخمس وزواج المتعه ... لقيت ان دولة ايران تسغفل شعبها بسياسة طورتها وهي تجمع بين الدين والحكم !

وخلت الدين وعقيدتهم مرابط وملازم للحكم بحيث ان القائد الأعلى هو نفسه الي يقر دستور الدولة واذا قالوله مايصير رد عليهم بفتوى تكون هالفتوه بمثابة شرع ديني ...!!!والي يخالفها يطيرون خناعه ض1 أخذت اوراقي وقراطيسي وصرت رايح جاي مابين مجلسي والفندق ارقد بالفندق واذا صحيت رحت اكمل قراية الكتب وتطوير منهج جديد يشيل مفهوم الدولة القديم

وجلست أنشئ كتاب سميتة (خبشور المنشور في الدرر المنثور) حتى أكتسح هذا الكتاب الأسواق وصار في كل بيت أيراني نسخه من هذا الكتاب وانظم لمجلسي الكثيروأصبحت نائب في مجلس الشورى الايراني وعضو في هيئة أفتاء قم المقدسة ..

وصارو الي يتبعوني كثيرين واخذت من كل واحد خمس لين اصبح في رصيدي ملايين وشريت نادي الأستقلال الرياضي علشان اخسرهم كل ماجا النصر يلعب معاهم التعصّب ومايسوي ض1 . .

وبعد مرور الوقت جاني خطاب من القائد الأعلى في أني اكون مع البعثة الي راح تشرف على مفاعل ايران النووي وافقت على القرار وصرت اداوم في مفاعل ابوشهروتعرفت على عامل صيني يعمل لدى الشركة الصينية المطورة للمفاعل وبعد ماضربنا أنا وياه صحبة جلس يعطيني معلومات عن اتفاقيات بين الصين وأيرانأولها ان أيران تنوي انها تطور قنبلة ذرية وتكون هي الدولة القوية في الخليج العربي الي تملك هذه القنبلة وتقدر من خلالها تسيطر على الخليج ...وقال انا من شفتك حبيتك وحبيتك اكثر يوم دريت انك مطيري

لذلك أبيك تاخذ اهلك وتسافرون للخارج لان الوضع خطير جداًفكرت بالموضوع قلت اسافر انا واهلي .. وعيال عمي ؟؟ وخوالي ؟؟ وجماعتنا ؟؟ وقبيلتنا وجيرانا من اخذ ومن اخلي رفضت وقمت من كرسيي وانا معصب قلت له اسمع يالصيني .. لك ولا للذيب ؟؟ قال لي يا شنب!!قلت اجل أصمل وخلك معاي في العملية الي راح اسويها قال وشش ؟؟ قلت له ندمر المشروع بالكامل .. ناظر فيني وهو مندهش قال انت خبل ولاصاحي ؟؟ قلت له انا اصحى منك .. وجا الوقت الي اخدم ديني ووطني وهاليوم راح اثبت لبوي اني كفو ويصير ماعاد يعايرني بأني زلابه ...!!

صمل الصيني وسألني وين نبداً ووشهي الخطه الي راح نسويها ..

قلت له سهله جداً رحنا السوق وشرينا بدل عسكرية وفحم نص أستوى وكرتون ببسي دايت !!

وبدلنا ملابسنا وجلست افرك وجهي بالفحم زي رامبو!

وكل واحد معاه ثلاث علب ببسي دايت .

ناديت الصيني وعطيته الخطه بأننا نتسلل للمفاعلات ونكب الببسي في كل مفاعلوتصير ايران اذا ملكت القنبلة الذرية وحاربتنا .. ترسل علينا ببسي بدال النووي ومانموت ..!انبهر الصيني من ذكائي وقال ماخاب ظني فيكم يالمطران ذكائكم من حرب السبله وانتم خطيرين سوينا العملية وحطينا رجلنا.... الصيني ركب الطيارة وراح للصين وانا جيت مع بعثة النصرعلى اني مراسل للأخبارية ض1

..مايستفاد ..

1/ الوضع في أيران أشبه بذكاء يحكم غباء

2/ يومن ماء سينقذ العالم رجل مطيري أسمه أحمد يدعى دفي دوف . اليوم مسكت هياط لحد يكلمني

3/ إذا صارت حرب لاسمح الله بعد التهديد الايراني الحاصل لحد ينحاش ترا بيجيكم ببسي دايت مراعاتاً لذوي الكروش والي مسوين رجيم

4/ فراغ تام أدى الى كتابة القصة

5/ اجمل شعور أنك تخدم وطنك وأنت جالس محلك

6/ خبشور خبشور اكبر كذبة صنعها التاريخ

دمتم كما يحب الرب

ســـلـــمى ...

يقولون البكا .. ماريّح أبن آدم / وزال آهموم ..!

كــثـر ماسالت الدمعة !! يزيد الحزن ( جيّاته ) ..

جبال الهملايا أول سعودي يحط الرحال هناك

بدأت هوايتي منذ أن كنت صغيراً عندما حاولت تسلق جدار بيتنا بأدوات المطبخ .. أستأذنت أمي بأن أخذ خمس سكاكين وقدر .. ومن أخوي
القايش العسكري الي كان يداوم فيه بقاعدة الملك خالد .. ومن شغالتنا حجابها السري الذي يقي من حرارة الشمس وبرودة الطقس ..


تحجبّت ووزعت السكاكين على خصري ولبست القدر كخوذه على رأسي مسكت أطراف النخله المحاذية لجدار حوشنا وأطراف السعف تنغز بطني بعنف
وانا أستمر في محاولاتي بحثاً عن الطموح والهواية التي أحببت ينتهي الحدث بمحطه!!! من عقال أبوي والنحشه الي تجي بعدها على الزاوية التسعين
شمال غرب بيتنا جهة المستودع الي ضيعو أهلي مفتاحه ولا دروا اني سارقة ليكون المزبن الوحيد من هالشيبه !!


من بكره أذهب للمدرسة التي لم اعرف فصلي ولا حتى السنه الدراسية التي وصلت لها حينها لاني بمجرد وصولي لتلك المدرسة أطلّع أدوات هوايتي المحببه
وأبدأ بتسلق الجدران والهروب الكبير الذي ينتهي بمقهى أبو هيثم على طريق أبوحدرية ألحّق على الحصة الصباحية من برنامج ستار اكادمي وأستمر في مشاهدة
سمّيه التونسية وهي تؤدي رياضتها باللباس المحقط !!


كبرت والأوضاع في البيت وفي سؤودي عريبيا ماتهيئ لك تستمر في أي هوايه حتى لو أنك عالم ذره شغلوك سكرتي في بنده ودبسوك في بطاقات ماستر فيزا وقرض
والوعد في الشرطة والمحاكم الجنائية والبنك الدولي .

بعد تخرجي من الثانوية واختبرت قياس وسويت كل متطلباتهم الي يبونها مني أنتهت علاقتي بالحكومه.. و أتصلو على البنوك يشاوروني أخذ قرض وانا أرفض وهم يلزمون علي
حسيت أن البنك من كثر مايحبنا جالس يعطينا فلوسه يعني بذمتكم في بنوك بالعالم توزع فلوس على الشعب مثلنا ؟ الله يخلي لنا البنوك كل الناس تشتكي منها
وانا بقول كلمة حق في البلاد الي يسمونها متقدمه البنك اذا اتصل عليك وقلت له مابي قرض يسكر السماعة ولا تشوف رقمه بعد كذا لكن بنوكنا الحمدلله ينشبون لك
لين تغير رقمك وتطّلع سوا بأسم هندي علشان لو دورو عليك مايلقونك ..

طرقت أبواب المؤسسات أبحث عن من يهتم بهوايتي التي خفت أنها تندثر فيني ولحد يساعدني ويلمعني ويوصلني للشهره من خلالها .. لكن ماتوقعت ان السعودية تخون
فيني كذا ومالقيت أحد يدعمني .. سولفت أنا وواحد من أصدقائي عن هالهواية وأشار علي أني أسافر للهند حيث هناك كشّاته من جميع دول العالم مخيمين في جبال
الهملايا وتجمعّهم نفس هوايتك . طلعت من عنده ولاردني غير عبدالجبار الي يبيع في بقالة حارتنا هو الهندي الوحيد الي أعرفه قلت له السالفه وتكفل بتذكرة
ووداني المطار ويوم أقلعت الطيارة دفني بخمسمية روبيه أمشي حالي فيها الين أوصل الهملايا ..

وصلت هناك ومن تكسي لتكسي لين ألتحقت مع الكشّاته الي يروحون الهملايا ورحبو فيني وعطوني خيمة صغيره معها دافور وعزبة ماستخدمتها فضّلت اني
اخليها لين أرجع من السعودية أكشت بها للصمان لأن من جد عزبة ماهو عزبنا دله وفناجيل من السنيدي وكاتب السعر بعد التخفيضات الف ريال واذا سألته ليه
قال لك لان الي مخترع هالعزبة سعودي يعني السعودي عالم الذرة شغلتوه سكرتي في بنده والسعودي الي يخترع دلال وفناجيل يجيه الف ريال على كل دله وفنجال
علشان كذا العزبه كرتنتها وأحتفظت فيها وجلست أستخدم سكاكيني الي جبتها من مطبخ أمي والقدور والقايش العسكري .!!

بدأت الرحلات لجبال الهملايا وكل يوم وحنا متسلقين لنا جبل وبديت أخق على الهملايا وأصاب بعشق لدرجة أني مانام الليل يقومون يلقوني على رأس ضلع ثلجي
اسبقهم الين يجوني من بكرة .

وفي حدى هالليالي رحت لحالي ومعي أدواتي واهل المخيم رقدو وأنا اناظر قمة الهملايا والأعلام كلها عليها إلا علم سؤؤدي عريبيا حزت في خاطري وقتها وقلت في نفسي
محد بيرفع راية التوحيد غيري وأنا لها .. وضربت أولى خطواتي نحو القمة بسكاكيني وبدأت الخطوات وتسلقته روياً روياً والأكسجين ينقص واحاول أسوي من الطيسان الي معي
طاسه واحطها على خشمي وفمي علشان ما اسحب اكسجين أكثر .. أقتربت من القمة ومابقي شي لكن في الساعه الصفر وفي حين انا أضرب بالسكين وأثبت عمري في
الثلج وأثبت العلم .. أسمع صوت غريب صمدت وناظرت بأتجاه الأفق لقيت الظلام دامس ألتفت يمين ويسار وجدت اني لحالي لكن مازال هالصوت الغريب حولي حواليي ..
حطيت أذني على الثلج ابي اعرف مصدر الصوت زاد الصوت أكثر جلست أمخش الثلج الي قدامي وأرتفع الصوت طلعّت السكروب وجلست أضرب وأضرب
الين انهار الثلج وانفتح لي نفق طويل .. دخلت فيه وجلست امشي ابي اوصل نهايته شكله مرعب ومظلم جداً .. مشيت اتبع الصوت قام يلتوي النفق
مره يمين ومره يسار الين قرّبت ولقيت ثلاثه شابين نارهم ويتقهون من غوري شاهي سهرانين عليه ويضحكون ويسولفون ناظرت فيهم من بعيد لبعيد وابي اعرف وش
عندهم ومنهم ذولي لكني عجزت اعرف كلامهم بديت بالخوف أكثر يوم شفت اسلحتهم قلت ياولد وش لك باللقافه أرجع لربعك قبل يدرون عنك ويذبحونك
الغريب في الموضوع هو اني شفت عندهم صندوق لونه كاكاوي غامق شكله حلو ومحاوطين عليه وبدهائي وفطنتي عرفت أن هالشي هم حارسينه تعوذت من ابليس
وقلت ياولد أرجع أبرك لك ... رجعت بخطوات خفيفه بحيث انهم مايسمعوني وانا راجع فجئة دعست على حصاه والتفتو كلهم جهتي ناظرت فيهم وقام يصيح
واحد منهم واقوم انا احط رجلي وكل شوي يطيح مني قدر وسكين ويعيق لحاقهم فيني حسيت اني مطبخ متحرك من كثر مايطيح من قدور ومواعين أمي ..
حذفت عمري من مخرج النفق الي دخلت منه وطحت لي في حفرة عمقها ست امتار ناظرت فوق وهم يناظرون فيني ويأشرون جهت الحفرة فجأه راحوا كلهم
ناظرت في الحفرة لقيت فيها نفق دخلته وجلست اركض أركض واناظر وراي خفت انهم يلحقوني ومن الخوف والراعه لو شاركت في سباق اثينا اخذت الذهبية بدون منافس
ناظرت ورى وتأكدت ان محد يلحقني .. خفيت سرعتي وناظرت قدام وانا امشي بالبطيئ وبالحركة البطيئة لقيت الثلاثه قدامي وانا امشي شويّ شوي من الصدمه
خرب الريوس عندي صار البنص على الدعسة البطيئة والقير مايعشق ابتسمت مسوي ماني خايف الين وصلت عندهم وسلمت عليهم
وهم يناظرون في بعض وشافوني ماهجيت استغربوا جلست على ركبي اريح شوي واخذت نفس وصبيت لي شاهي من غوريهم وجلست اشرب كتفني واحد منهم
والثاني يعشّق السلاح يبي يذبحني .. وريتهم فلوس سعودية ومديتها لهم وفصخت ساعتي وكبكاتي قلت خذو الي تبون واحد اخذ الكبك والثاني الساعه
والثالث جالس يناظر صورة الملك على الفلوس واقوم بكل خفة ورشاقة وبحركة سريعة يحسدني عليها جمس بوند رفست الصندوق برجلي وانا متجهة صوب النفق الي طمرت
منه لقطته بيديني واطمر طمرت الأسد وانا حاط في بالي الحفرة الين تشبثت في أطرافها وحطيت رجلي جهت خيمتي الصغيرة عند ربعي .. سكرت السحاب
وفتحت الصندوق لقيت جوهرة من الألمااس النادر ملطخه بالفوسفات مصبوغه بالزمرد .. دريت انها غالية وقلت لازم انحاش من هالمكان ..طربلت الخيمة واخذت عفشي
وأقدوري ولاردني غير السعودية عرضت الجوهرة للبيع وجابت لي عشرة مليون دولار من تاجر مجوهرات في الشرقية سددت ديون أبوي وفتحت لي محل صيرفة
وبعدها بنك مايشتغل فيه غيري انا وعالم ذرة خليته سكرتي في البنك ومهندسين ثنين علشان يجردون حساب اخر الشهر ودكتور نفسي وظفته بوظيفة على الماركتينق
يتصل على العالم ويقنعهم بحكم خبرته في النفسيات انهم ياخذون مني قروض وبطاقات فيزا وكروت شحن سوا وحلا بلص وشهر عليك وشهر علينا ...




مايستفاد /

1 /هوايتي بالتسلق بدأت فيني وانا منحاش من الشايب يوم درى اني مهرب من المدرسة وحالياً أصبحت اول سعودي يصعد جبال الهملايا .
2 /مبطي عنكم وحبيت اعرض لكم وحده من هواياتي وتعرفون ان مافيه هوايه عندي ماتجلب الحظ لولا هواياتي كان صرت سكرتي في بنده .
3 /بحكم خبرتي في البنوك لاتخلي برصيدك البنكي ولا ريال لان بنوكنا اذا شافو مواطن معاه فلوس دبسوه بقرض وبطاقات ودخلوك السجن .
4 / اصرف مافي الجيب يأتيك مافي الغيب .
5 /المستفاد الحقيقي من الموضوع هو اني رفعت العلم السعودي في جبال الهملايا لكني للحين ماني عارف وش مستفيد !
6 / ابشركم شقتي باقي لها سراميك وتخلص
7 / الي عنده خبره في الديكورات والأصباغ وتشطيب البيوت لايبخل علي وكل شي بحقه .